Bir startapçının diqqət etməli olduğu 6 vacib məqam
Digər
07.05.2017
Farid Pardashunas
Yeni bir işə başlamaq istəyiniz varsa və ya
startap layihəsinə hazırlıq görürsünüzsə, onda bəzi vacib məqamlara diqqət etməyiniz
vacib şərtdir.
1. İlk olaraq sizə lazım olan işçi
sayını təyin etməyiniz vacibdir. Bunun üçün şirkəti qurmadan öncə bu mövzuda
bir qədər seçici davranmalısınız. Bu sizə işinizə daha tez başlamaqda yardımçı
olacaq. Bundan əlavə yeni bir ideya üzərində işləyərkən cunior sayılan yeni işçilərlə
bərabər professionalları da işə cəlb edin. Bu işinizin daha tez və effektiv
olmasına yardımçı olacaq. İnkar etmək olmaz ki, professionallar digərləri ilə
müqayisədə daha çox xərc tələb edir. Amma onların verimliliyinin cunior işçilərə
nisbətdə 6 dəfə daha effektiv olmasını da nəzərə almalısınız. Həmçinin mütəxəssislər
öz işlərində daha təcrübəli olduqları üçün daha az idarə olunmağa ehtiyac
duyurlar. Cunior işçiləri işə cəlb etməyin digər vacib xüsusiyyəti isə onların
zamanla işi daha da yüksək səviyyədə öyrənərək gələcək mütəxəssisə ehtiyacınızı
ödəmək üçün yetişməsidir.
2. Bacara bilmədiyiniz işə giriş
etməyin. Bir işə giriş edirsinizsə, onda ən azından bu iş haqda məlumatınızın
olması vacibdir. Bildiyiniz kimi yeni işə başlayanlarda büdcə problemi hər zaman
ən vacib məsələlərdən birini təşkil edir. Buna görə başladığınız iş haqda mümkün
qədər çox məlumatlı olun. Çünki işçi işdən çıxsa və ya bir problem olsa onu həll
etmək sizin üzərinizə düşən vəzifədir. Yəni işinizin CEO-su olun. İşin texniki tərəfi
haqda az məlumat sahibisinizsə, onda ortaqlıq etdiyiniz adamı da buna uyğun
seçin. Bu işin başarısızlıq faizini aşağı salır.
3. Yeni başlayacağınız işdə hər
hansı məhsul çıxarmaqla əlaqəlidirsə, mütləq bazar araşdırması aparmalısınız. Məsələn,
siz hər hansı məhsulu tam hazırladınız və kütlənin istəklərini nəzərə
almadınız. Bu zaman sizin uğursuz olmaq ehtimalınız olduqca yüksək olacaq.
Bundan əlavə mümkün qədər yenilikləri izləyin. Çünki texnologiya inkişaf
etdikcə insanların tələbləri daha da yüksəlir. ABŞ-da aparılan araşdırmada ilk
startap layihələrinin 70%-də xəta payının daha çox olduğu göstərilir. Ona görə
də bir işə başlamadan risk dərəcəsini təyin etməyinizi tövsiyə edərdik.
4. Məhsul çıxarmadan əvvəl onda
olacaq xüsusiyyətləri müştərilərlə məsləhətləşərək tapın. Yəni məhsula mühəndis
gözü ilə deyil, müştəri gözüylə baxın. Xırdalıqları gözdən qaçırmayın.
Xırdalıqlar və xüsusi tərəflər sizi rəqiblərinizdən önə çıxaracaq.
5. Bütün məlumatları dəqiqləşdirin.
- Bir məhsulun qiyməti nə qədərdir?
- Bir məhsul nə qədər vaxtda
hazır olar və xərci nə qədərdir?
- Hansı işçi sizə nə qədər
qazandırır?
- Hansı vəziyyətlərdə daha çox
işçiyə ehtiyacınız ola bilər?
- Hansı şəraitdə verimlilik yüksək
olacaq?
- Məhsulun verimliliyini artırmaq
üçün nəyə yatırım etməlisiniz?
6. Hər müştəriyə xüsusi yanaşın. Verəcəyiniz hər bir cavab sizin məhsulunuzun satışına təsir edəcək. Bundan əlavə
sizə tutulan iradlara normal yanaşın. Heç kim və heç nə ideal deyil. İradlar
sizin gələcəkdə daha da irəli getməyinizə
şərait yaradacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!