Bitcoin\'in qurucusu nəhayət ortaya çıxdı
Elm & Texnologiya
07.05.2017
Farid Pardashunas
İnternet dünyasının virtual pul vahidi olan Bitcoin’in yaradıcısı, illərdir kimliyi bəlli olmayan şəxs nəhayət BBC üçün müsahibə verməklə kimliyini açıqladı.
Bildiyimiz kimi, internet üzərindən online və virtual pul vahidləri bir çox insanın həyatında böyük rol oynayır. Xüsusilə də Bitcoin'in dəyəri çox yüksəkdir və real pullarla qarşılığı var. Keçən ilin dekabr ayında bəzi araşdırmalardan sonra Bitcoin’in yaradıcısı olduğuna dair faktlar tapılmış, amma bütün bunlara baxmayaraq dəqiq məlumat əldə edilməmişdi. Qatıldığı müsahibədə artıq özünü gizlətməyin mənasının olmadığını deyən Craig Steven Wright, əlində olan bəzi sənədlərlə birlikdə Bitcoin’in yaradıcısı olduğunu açıqladı.
BBC, Economist və GQ’yə bir açıqlama edən Wright’ın bu deyimləri təkcə özü tərəfindən təsdiqlənmir. Bitcoin Foundation’ın qurucularından olan Jon Matonis tərəfindən də bu fakt təsdiqləndi. Hətta əlində olan sənədlərdən də əlavə sənədləri olduğunu qeyd edən Wright, ona Bitcoin’i yaratması üçün başqa insanlardan da kömək aldığını söylədi. Əlavə olaraq, həmin insanları da üzə çıxaracağını, onların da kimliyinin ortaya çıxmasının vaxtının gəldiyini qeyd etdi.
1970-ci ildə anadan olan və indiyə qədər Satoshi Nakamoto kod adı ilə tanınan Craig Steve Wright, bir kompüter mühəndisi və iş adamıdır. Özü haqqında Gizmodo və Wired saytlarının araşdırmalarından xəbərdar olduğunu dedi. Hətta artıq Bitcoin’in qurucusu olaraq tanınmağı istədiyini və son olaraq özünü tanıdaraq iddialara son nöqtə qoyan Wright, sadəcə bir şeydən qorxur: "həddən artıq maraq". Tək istəyinin sadəcə təklik olduğunu deyən Wright, heç bir şəkildə TV və ya mediya qarşısına da çıxmaq istəmədiyini qeyd edib.
Hal hazırda bazarda 15,5 milyon Bitcoin’in döndüyünü və bunlardan 1 milyonuna Wright’ın sahib olduğu qeyd olunur. Bu 1 milyonun günümüzdəki dəyəri isə 450 milyon dollardır. Hal hazırda Wikipedia'da sadəcə "kompüter mühəndisi" olaraq görünən Wright'ın yaxında 'Bitcoin'in qurucusu' ünvanına da sahib olacağını deyə bilərik.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ