Brend anlayışı necə formalaşdırılır? Diqqətə almalı olduğunuz vacib məqamlar
Elm & Texnologiya
07.05.2017
Farid Pardashunas
Müəyyən bir biznes sahəsində tanınmaq vacib
xarakter daşıyır. Biznesinizi bir brend halına gətirmək istəyirsinizsə, 5 əsas
xüsusiyyəti bilməyiniz vacibdir.
1) Reklam vasitəsi olaraq nədən istifadə etmək olar?
Bir çox mobil cihaz və elektronika markaları bu istiqamətdə
müxtəlif addımlar atmaqdadırlar. Məsələn, bunlar arasında ən çox bilinəni, brendin satışa çıxarmadığı cihazlarının şəkillərini mediaya sızdırmasıdır. Və artıq
istehlakçıda həmin məhsula qarşı xüsusi maraq formalaşmış olur. Buna aid başqa
nümunə isə bir kitabın satışını həyata keçirmək üçün olunan reklam
kampaniyasını göstərmək olar. Belə ki, kitab satışını təşkil edən şirkət
milyonerin oğlunun kitabdakı personajın xarakterini daşıyan bir xanımla evlənmək
istədiyini bildirib və artıq bir neçə gün içində həmin kitab satılıb qurtarıb.
İnsanlar bunun gerçəklik payının az olduğunu fikirləşsələr belə, beyinlərində "hansı xüsusiyyətə malik insan axtarır?” fikri
artıq məqsədin reallığa çevrilməsinə şərait yaradır.
2) Brend olmaq üçün maliyyəni düzgün formalaşdırmaq
Məhsulunuzun brend olması üçün yaradıcı fikirlər tapmağınız sizin xeyrinizə olar. Məsələn,
maraqlı reklam çarxı çəkmək, maraqlı stikerlər paylaşmaq bunlar arasında yer
alan əsas ünsürlərdəndir. Belə fəaliyyətlər brendinizin daha çox tanınmasına şərait
yaratmaqla bərabər böyük kütləyə də xitab etmiş olar. Bu işdə SMM-lərin rolu olduqca
böyükdür. Bu yolla siz kütlənin şüur altına təsir edərək qeyri-iradi sizin məhsulunuzu seçmələrinə şərait yarada bilərsiniz.
3)Qlobalı nəzərə alıb, regionaldan uzaqlaşmaq olmaz
Uğurlu biznes qurmaq və öz məhsulunuzu brend halına gətirmək istəyirsinizsə, ilk olaraq öz olduğunuz regionu nəzərə
alın. Unutmayın ki, hər ölkənin özünə uyğun ənənələri var və öz biznes
strategiyanızı buna uyğun idarə etməlisiniz. Məsələn, işığın olmadığı bir
Afrika bölgəsində internet biznesi qurmağınız mənasızdır.
4)Fərdiliyin olması vacibdir
Brend olmaq istəyiniz
varsa, fərdi brend formalaşdırmalısınız. Hal-hazırda bazarda çoxlu sayda brend
olmasına baxmayaraq, sizin diqqətinizi cəlb edən neçəsi var? Brend olmağın əsas
xüsusiyyəti kütləyə ilham vermək və eyni zamanda "brend fərdiliyinə” diqqət
yetirməyinizdir.
5)Brendiniz haqda danışanlar
Brendinizin etibarlılığı hər
şeydən önəmlidir. Bu eyni bazarda rəqib olduğunuz digər şirkətlərlə aranızdakı
fərqi ortaya çıxaracaq. Bu işdə də təbii ki, kəmiyyətdən daha vacib olan
keyfiyyət faktoru öz sözünü deməkdədir. Ona görə də formalaşdıracağınız fikrə
önəm verməyiniz vacib şərtdir. Necə deyərlər, "Müştəri müştəri gətirir.”
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ