CIA-nin gizli sənədləri təqdim edildi
07.05.2017
Farid Pardashunas
Bu həftə məhkəmə qərarına əsasən CIA, 1992-ci ildə təsis olunduğu vaxtdan olan bütün arxivləri təqdim edib.
Mərkəzi Kəşfiyyat İdarəsinin (CIA) arxivləri arasında çox maraqlı layihələrə rast gəlinib. Onların arasında isə daha çox marağı cəlb
edən, xüsusi ekstrasens casusların hazırlanması olub. Daha öncə bu cür məlumatlar
yalnız Merilenddə olan Beynəlxalq arxivlərdə xüsusi icazə ilə təqdim olunurdu. İndi
isə 25 il bundan öncəki məlumatlar internetə yerləşdirilib. Həmin məlumatlar
arasında Sun Streak adlı gizli hərbi şöbənin adı gedir. Bu şöbə, 1970-1980-ci
illərdə insanın paronormal xüsusiyyətlərini öyrənirdi. Sun Streak bir sıra
adlar altında mövcud olub və CIA-nin məlumatlar bazasında Stargate adı altında
qeyd olunmuşdur. Bu şöbənin varolması 1995-ci ildə sübut olunub. Lakin şöbənin
hansı işlərlə məşğul olması haqqında məlumatlar çox nadir hallarda tapılırdı.
Bu həftə təqdim olunmuş gizli sənədlərdə "Project N-1 X” adlı layihənin
hesabatlarına rast gəlinib.
Hesabatlara əsasən Sun Streak şöbəsi, ekstrasens bacarıqları
olan insanlara təlim keçirdi. Təlimdən keçmiş insanlar, uzaq məsafədə yerləşən
gizli sənədləri hiss etməli idilər. Rəsmi təlimata əsasən həmin insanlar, sənədi,
onun adı, ölçüsü, vacibliyi, müəllifi, yazıldığı dili, məlumatın potensial mənbəsi
və onun yerləşdiyi yer də daxil olmaqla təsvir etməli idilər. Sənədlərdəki məlumatlara
əsasən sözügedən layihənin əsas məqsədi, uzaq məsafədə bu cür sənədlərin
tapılmasının mümkün olub-olmamağını yoxlamaq idi. Layihə, N-2 mərhələsinə kimi
çatdı. Lakin sonradan dayandırıldı. Görünür mütəxəssislər ikinci mərhələ çərçivəsində
yaxşı nəticələr ala bilmədilər. Bir neçə ildən sonra isə gözəçarpan nəticələrin
olmadığından Sun Streak şöbəsi tamamilə bağlandı.
Linki kopyala
Bənzər xəbərlər
Oxşar xəbərlər
Həftənin xəbərləri
