"Deadpool 2" filmi rəsmi şəkildə anons olunub
Digər
07.05.2017
Farid Pardashunas
Öz böyük olmayan büdcəsi ilə "Deadpool” filmi R reytinqli
filmlər arasında ən gəlirlisi olmağı bacarmışdır. Buna görə də filmin davamının
anonsu sadəcə vaxt söhbəti idi. Fox studiyası isə rəsmi olaraq "Deadpool 2” filmini
anons edib. İkinci film üzərində birinci filmi yaratmış komanda çalışacaq.
Ssenarini yenidən Rhett Reese və Paul Wernick hazırlayacaqlar. Rejissor qismində
isə yenidən Tim Miller iştirak edəcək. Təbii ki, Deadpool rolunu bu dəfə də
Ryan Reynolds canlandıracaq. Süjet xətdi hələki sirr olaraq qalsa da birinci
filmin sonunu izləmiş insanlar artıq bilirlər ki, ikinci filmdə mənfi obrazda
kim olacaq. "Deadpool” filminin dünya üzrə gəliri artıq 800 milyon dollara
yaxındır. Fox studiyası "Deadpool 2” filminin premyera tarixini açıqlamayıb. Lakin
bir neçə müddət bundan öncə studiya Marvel əsasında çəkiləcək filmlərin
premyera tarixlərini açıqlamışdır (6 Oktyabr 2017-ci il 12 Yanvar 2018-ci il
13 İyul 2018-ci il). Çox güman ki, bu premyera tarixlərindən biri məhz "Deadpool
2” filminə aiddir.
Linki kopyala
Bənzər xəbərlər
Oxşar xəbərlər
Həftənin xəbərləri
