Dronu uzaq məsafədən necə sındırmaq olar?
Elm & Texnologiya
07.05.2017
Farid Pardashunas
ABŞ Kibernetik Komandanlığının zabiti Brent Chapman Parrot markalı dronları uzaq məsafədən ələ keçirməyi bacaran ucuz cihaz hazırlayıb. Həmin dronlar elektronika ilə təchiz olunub. Yəni onlar bir növ uçan kompüterlərdir. Bu isə o deməkdir ki, onları da istənilən kompüter kimi sındırmaq mümkündür. Bunun üçün sizə sadəcə olaraq daha ucuz kompüter, Wi-Fi və bir sıra texniki xüsusiyyətlər lazım olacaq. ABŞ Silahlı Qüvvələrinin tərkibində olan Kibernetik Komandanlığın zabiti əsasən kiber müharibə əməliyyatlarının keçirilməsində və hərbi kompüter şəbəkələrinin idarəolunmasında iştirak edir. O sözügedən cihazın necə yığılaraq ayarlanması haqqında ətraflı məlumatı bütün istifadəçilər üçün paylaşıb. Bunun üçün ilk öncə Parrot AR Quadcopter 2.0 pilotsuz uçuş aparatı və ucuz Raspberry Pi. mikrokompüteri lazım olacaq. İşə salınan zaman istifadəçinin drona smartfon vasitəsilə qoşula bilməsi üçün həmin dron Wi-Fi əlaqə nöqtəsi yaradır. Bu zaman əlaqə nömrəsinin adı ardrone2 (adın sonundakı rəqəm müxtəlif ola bilər) adlanır. Chapman fikir verdi ki, həmin əlaqə nöqtəsinə qoşulmaq üçün xüsusi şifrə lazım deyil. İstifadəçi əlaqə nöqtəsinə qoşulandan sonra o müəyyən tətbiqetməni işə salaraq dronu tamamilə idarə edə bilər. Brent tərəfindən yazılmış ətraflı məlumat əsasında istənilən şəxs bu cür cihaz hazırlayaraq sözügedən dron modelini ələ keçirə bilər. Təbii ki, o vaxta kimi ki, Parrot dronlarına şifrələmə alqoritmini əlavə etsinlər. Hər-halda hərbçilər artıq uzun illərdir ki, dronların məhv edilmə üsullarını öyrənirlər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ