Elon Mask Mars üçün yeni nəqliyyat sistemini təqdim edib (VİDEO)
Elm & Texnologiya
07.05.2017
Farid Pardashunas
Elon Mask-ın (Elon Musk) sahibi olduğu "SpaceX” şirkəti yeni kosmik gəmini və raketi təqdim edib.
Kosmik gəmi və raket iki bir yersə
"Planetlərarası Nəqliyyat Sistemi” (Interplanetary Transport System) adını alıb
və Mars planetinin kolonizasiyası üçün adamların ora çatdırılmasını
reallaşdıracaq. Mask-ın sözlərinə görə o, 80 gün ərzində 100 nəfər insanı
Mars-a çatdıra biləcək effetiv nəqliyyat sistemi yaratmaq niyyətindədir. Bundan
əlavə olaraq bu səyahət sonuncu səyahət olmamalıdır. İnsanların dilədikləri
vaxtda Yer kürəsinə qayıtmaları şansı olmalıdır. "Technote.az”ın "Itc.ua”a istinadən
verdiyi xəbərə əsasən press-konfrans zamanı Mask "SpaceX”i "Union Pasific
Railroad” dəmiryolu şirkətinə bənzədib. "Union Pasific Railroad” şirkəti ABŞ-da
ölkənin mərkəzindən San Fransisko körfəzinə kimi yol açan ilk transkontinental
dəmiryolunu inşa etmişdir.
Hal-hazırda bir insanın Mars-a
göndərilməsi 10 milyard dollara başa gələ bilər. Uçuşun qiymətinin azalmasının ən
vacib üsulllarından biri kosmik gəminin və raketin təkrar istifadəsidir. Misal
olaraq Mask, Boeing 747 təyyarəsini göstərib. Təyyarənin qiymətinin 90 milyon
dollar dəyərində olduğunu bildikdə əgər yalnız bir dəfə uçuş etsəydi onda 180 sərnişinin
hər biri 500.000$ pul ödəməli idi. Bundan əlavə olaraq əgər SpaceX kosmik gəmisi
orbitdə yanacaqla təmin edilsə bu uçuş qiymətinin 500% aşağı düşməsini təmin edəcək.
Mars kolonizasiyasının vacib faktorlarından biri də Mars-da yanacağın istehsal
olunmasıdır. Beləliklə orda yaşayacaq insanlar Yer kürəsinə qayıda biləcəklər.
Məhz buna görə şirkət maye metanın əsas yanacaq kimi seçilməsinin tərəfdarıdır.
Həmdə onu Mars-da istehsal etmək asan olacaq.
Şirkətin "Planetlərarası Nəqliyyat
Sistemi” kranı olan start platformasından ibarət olacaq. Həmin kran Raketin
birinci səviyyəsinə kosmik gəmini yerləşdirəcək. Daha sonra raket kosmik gəmini
orbitə çatdıracaq və 20 dəqiqə ərzində start platformasına geri qayıdacaq.
Qayıdandan sonra ona yanacaqla dolu tanker yerləşdiriləcək və o, həmin tankeri
orbitə çatdıracaq ki, kosmik gəmi yanacaqla təmin olunsun. Sistemin raketi 77.5
m hündürlüyə,12 m diametrə sahib olacaq. O, özündə 42 ədəd Raptor metan mühərrikini
birləşdirəcək. Kosmik gəmi isə 49.5 m uzunluğa və 17 m diametrə sahib olacaq.
Kosmik gəmi yanacaq kimi 1950 t maye oksigen həcminə sahib olacaq və Yer kürəsindən
Mars-a 100 nəfər adamı və 300 t yükü çatdıra biləcək. Mask-ın sözlərinə görə
hal-hazırda "Planetlərarası Nəqliyyat Sistemi”nin maliyyələşdirilməsində özəl
investorlar və bir sıra ölkə orqanları maraqlıdırlar. Şirkət raketlərin ilk
testlərinin keçirilməsini 2019-cu ilə planlaşdırıb. "Planetlərarası Nəqliyyat
Sistemi”nin Mars-a ilk uçuşu isə artıq 2022-ci ildə baş tuta bilər.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək