Reklam
Ən yaxşı işçilərini həbsxanadan tapmış sahibkar

Ən yaxşı işçilərini həbsxanadan tapmış sahibkar

Digər
08.05.2017 PAYLAŞIM
TECHNOTE @technote TECHNOTE logo icon

Əgər Koss Marte (Coss Marte) sizin zənglərinizə və məktublarınıza cavab vermirsə onda inciməyin. Çünki çox böyük ehtimal ilə o həbsxanadadır.

Belə ki, həbsxanada olduğu müddətdə o öz mənfəətini qazanır. Marte 2.5 milyon dollar dəyərində narkotik vasitələrin satışına görə 6 ilini həbsxanada keçirdib. 2013-cü ildə Marte azadlığa çıxıb və "ConBody” layihəsini təsis edib. Hal-hazırda o bir çox parklarda həbsxana müddətində yaratdığı idman dərslərini keçir. Marte-nin artıq Nyu York-da şəxsi studiyası belə var. Hər ay ona minlərlə müştəri müraciət edir. Lakin öz vaxtının çox hissəsini o yenədə həbsxanada keçirdir. Hər həftə o öz idman təlimçiləri ilə Raykers adlı ada həbsxanasına gedir və hökm qərarını gözləyən məhbuslar üçün 50-ə yaxın idman dərsi keçir. Bu yaxınlarda o, həbsxanada uzun müddət keçirmiş məhbusların normal həyata qayıtmasında yardımçı olmaq üçün Kaliforniya şəhər islah müəssisəsi ilə əməkdaşlığa başlayıb. Marte-nin əsas məqsədi daha çox məhbus yığaraq onların idman təlimçisi sertifikatını hələ həbsxanada olduqları müddətdə almalarına nail olmaqdır. Beləliklə azadlığa çıxan zaman həmin insanlar onun komandasında çalışa biləcəklər.

ConBody layihəsinin təsisçisi Coss Marte


"Azadlığa çıxdıqdan sonra artıq gələcəyinin olmadığını düşünmək hissinin nə olduğunu yaxşı bilirəm. Belə anlarda insanın ağlına gələn yeganə fikir bacardığın ən yaxşı işə geri qayıtmaqdır” – deyə Marte bildirib. 13-23 yaş arası vaxtlarında Marte 10 dəfə həbsxanaya düşüb. Araşdırmalara əsasən 2005-ci ildə azadlığa çıxmış 68% məhbus növbəti 3 il ərzində yeni cinayətlərə görə yenidən həbs olunub. 77% məhbus isə növbəti 5 il ərzində yeni cinayət törədib. Marte-nin sözlərinə görə onun 11 əməkdaşından 8-i nə vaxtsa həbsxanada olub. Hər bir idman təlimçisi işinə görə saatda 50$ qazanır. Müştərilərin keçmişdə məhbus olmuş idman təlimçiləri haqqında şüphələrini yox etmək üçün Marte bildirib ki, onların məşqləri gülüş ilə bir yerdə keçirilən məşqlərdir və heç kim heç kimin üzərinə qışqırmır. Marte bu ilin sonunadək onun şirkətinin satış həcminin 300.000$-a çatacağını planlaşdırır. Gələn il isə o, 5 ədəd ConBody studiyası açmağı və daha 60 nəfər keçmiş məhbusu işə götürməyi düşünür. Bunun üçün o Kickstarter vasitəsilə 175.000$ vəsait yığıb və bir sıra biznes layihələr üçün nəzərdə tutulmuş konkurslarda qalib gəlib. Marte zorakılardan başqa istənilən keçmiş məhbusu işə götürür və onların hansı cinayət üzrə və nə qədər müddət həbsxanada olduqlarına fikir vermir. "Mən bu insanlara olan münasibəti dəyişmək istəyirəm. Onlar qəfəsdə saxlanılan hər hansısa bir vəhşi heyvan deyillər. Onlar sizlərə küçədə tanımadığınız bir şəxs qədər təhlükə göstərmirlər” – deyə Marte bildirib. Fiziki cəhətdən zəif olan məhbuslar narahat olmaya bilərlər. Belə ki, Marte-nin sözlərinə əsasən onlar ofis işi ilə təmin olunacaqlar.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Azercell jurnalistləri Milli Mətbuatın 145-illiyi münasibətilə təbrik edir!..

Məlumatın, xəbərin son dərəcə əhəmiyyətli olduğu ən həssas zamanlarda məhz şücaətli jurnalistlər öz ..


ABŞ-da Google şirkəti məhkəməyə verildi: Səbəb nədir?

ABŞ-da Google şirkəti Android əməliyyat sistemi səbəbilə məhkəməyə verildi.


Alimlər tarixdə ilk dəfə yeni planetin yaranma prosesini müşahidə ediblər (VİDEO..

Hal hazırda olan aktual elmi nöqteyi nəzərdən kainatın yaranması Böyük Partlayış ilə başlayıb. Lakin..


Əsrin sonuna gözlənilən iqlim dəyişikliyi artıq bütün qitələrdə başlayıb..

Güman olunurdu ki, tropik və subtropik regionlarda təyin olunacaq isti və nəm iqlim şəraiti planetin..


Astronomlar Yer kürəsinə ən yaxın olan qara dəliyi aşkar ediblər

Avropa cənub rəsədxanasının (ESO) astronomlarının rəhbərliyi altında olan tədqiqat qrupu kosmik miqy..


'Pandemiya hal hazırki dünya iqtisadiyyatına son qoyacaq və onu tanınmaz hala sa..

İqtisadi böhranlar baş verən zaman onların nəticələri bir neçə ildən sonra heç gözlənilməz istiqamət..

×