Eşitmə qüsurlu insanlar üçün xoş xəbər
Elm & Texnologiya
07.05.2017
Farid Pardashunas
5 il bundan öncə neyrobioloq Devid İqlman özünə sual verirdi ki, görəsən insan öz bədəninin gizli potensialı hesabına ətraf səsi qəbul edə bilərmi.
O fikir verdi ki, insan dərisi səs
üçün giriş kanalıdır. Beləliklə aspirant Skott Noviç-in köməkliyi ilə Devid "VEST” (Versatile Extra-Sensory
Transducer) sistemini yaratdı. Həmin sistem 32 kiçik motor vasitəsilə səs
dalğalarını vibrasiyalar şəklində insan beli ilə ötürür. "Bu jiletin
vasitəsilə siz eşitmək üçün yalnız hissiyat orqanı ilə kifayətlənməyəcəksiniz” – deyə Devid İqlman bildirib. Bəs
VEST hansı prinsip ilə çalışır? İlk öncə kompüter və ya smartfon ətraf
mühitdəki səs vibrasiyalarını qəbul edir və onu müəyyən tezliklərə çevirir. Həmin
tezliklərin hər bir spektr zolağı jiletdə olan 32 kiçik motordan birini işə
salır. Qısa müddətdən sonra sizin beyniniz şüuraltı səviyyədə rəqslər (burada
fiziki termin kimi işlədilir) seriyasını konkret səsə çevirməyi öyrənir.
"Digər sözlə desək səsin bu qəbulolunma
üsulunun ənənəvi üsuldan pis olduğu barəsində heç bir səbəb yoxdur” – deyə
Devid bildirib. İndiyənə kimi o, artıq bir sıra eşitmə qüsurlu insanları səsləri
və ayrı-ayrı sözləri jilet vasitəsilə müəyyən etmələrini öyrədib. O ümid edir
ki, yaxın zamanda bu insanlar cümlələri fərqləndirə və daha sonra tamamilə
nitqin qavrayışını bərpa edə biləcəklər. Bir sıra yaş qrupları ilə aparılmış
sınaqlardan sonra İqlman belə bir nəticəyə gəlib ki, uşaqlar yeni üsulu daha
yaxşı qavrayırlar. Belə ki, onların beyinləri öyrənməyə daha əlverişli şəkildədir.
Neyrobioloqlar ümid edirlər ki, onların icadı bir çox iş sahələrində insanların
problemlərini həll edəcək. Məsələn pilotlar təyyarə sisteminin vəziyyəti
haqqında vibrasiyalar vasitəsilə öyrənə, astronavtlar isə öz həyat göstəricilərinə
nəzarət edə biləcəklər. Hal-hazırda yeni sistemdə olan çətinliklərdən biri məhdud
diapazon və məsafədədir. Lakin texnologiyaların yüksək inkişaf etdiyi bu dövrdə
həmin problemlərin həlli mümkündür.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ