Facebook 3-cü rüb statistikalarını və gəlirlərini açıqladı!
Sosial Media
07.05.2017
Farid Pardashunas
Sosial şəbəkə lideri Facebook 3-cü rüb hesabatlarını insanlara təqdim etdi. Bu hesabata nəzər salsaq görərik ki, bu il şəbəkə üçün çox uğurlu olub. Statistikaya görə hal-hazırda Facebookun aktiv 1.55 milyard istifadəçisi var. Hər gün isə 1 milyarddan çox insana xidmət göstərilir. Bu rəqəm keçən ilin hesabatlarına görə 17% artıb. Buna əlavə olaraq isə 700 milyon insan Messengerdən istifadə edir. Hər gün 8 milyarddan çox video görüntülənir, 925 milyondan çox istifadəçi qrupları istifadə edir və 45 milyondan çox istifadəçi kiçik-orta səhifə sahibləridir. Şirkətin aldığı şirkətlərə nəzər salsaq görərik ki, 900 milyondan çox Whatsapp, 400 milyondan çox İnstagram istifadəçisi vardır. Bu rəqəmlər də keçən ilə nisbətən xeyli artıbdır.
Bu statistikalardan sonra isə şirkətin gəlirlərinə nəzər salaq. Şirkət 4.5 milyard dollar gəlir əldə edib və saf qazancı 1.46 milyard dollar olub. Yəni, keçən ilin rəqəmlərinə görə bu il 40% artım qeydə alınıb. Gəlirin böyük hissəsi isə mobil sektordan gəlir. Bu sahədə olan reklamların həcmi 78%dir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək