Facebook, şəxsin adını normal qəbul etmədiyi üçün hesabını blokladı
Sosial Media
07.05.2017
Farid Pardashunas
Facebook hər zaman ya yenilikləri, ya da etdiyi qadağalarla gündəmə düşməyi bacarır. Bu dəfə isə vəziyyət daha maraqlı forma alıb. Belə ki, İngiltərədə yaşayan bir nəfərin adının normal standartlardan kənar göstərilməsi onun hesabının bloklanmasına səbəb olub.
Facebook və digər sosial media vasitələri istifadəçilər hesablarından düzgün istifadə etmədikdə və ya başqalarına mənfi
təsir göstərdikdə sensorlayır yaxud bloka salınır. Facebook İngiltərədən olan bir
adamın hesabını bloklayıb. Səbəb isə çox maraqlı olub. Belə ki, həmin şəxsin
hesabının bloklanması onun adı ilə əlaqədardır.
55 yaşlı adamın adı DJ-dir. Facebook isə
belə bir adın normal olmadığını, daha doğrusu anormal olduğunu düşünərək hesabı
blok edib.
Əslində həmin şəxs 2008-ci ildə öz adını
hüquqi yolla dəyişib və özü də əvvəllər DJ vəzifəsi icra etdiyi üçün bunu özünə
ad olaraq seçib. Hətta verdiyi müsahibədə bunu reklam məqsədilə etmədiyini də
bildirib.
DJ üçün sosial medianın xüsusi önəmi var.
Belə ki, həmin şəxs revmatoid artrit xəstəliyindən əziyyət çəkdiyi üçün yeriyə
bilmir və sosial media vasitələri ona insanlarla əlaqə saxlamaqda və
sosiallaşmaqda köməklik göstərir. Hətta DJ öz hesabını geri almaq üçün
Facebook-a vəsiqəsinin fotosunu da çəkib göndərib. Amma bunun da heç bir xeyri
olmayıb. Facebook nümayəndələri onun adının normal ada oxşamadığını, daha çox ticarət
profili ilə oxşarlıq təşkil etdiyini bildirib.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!