Falcon 9 raketinin partlaması nəticəsində Mark Zükerberq zərər çəkdi
Elm & Texnologiya
07.05.2017
Farid Pardashunas
1 Sentyabr tarixində start meydançasında Falcon 9 raketi partladı. Hadisə raketin alovlu sınaqları zamanı yanacaq doldurma prosesi anında baş verib.
"SpaceX” şirkətinin CEO-su İlon Mask (Elon Musk) öz Twitter hesabında
qeyd edib ki, hadisə raketdə olan oksigen bakında yaranmış nasazlıq nəticəsində
baş verib. "Technote.az”ın "Techcrunch.com”a istinadən verdiyi xəbərə əsasən nəticədə
raket və İsrail istehsalı Amos-6 peyki məhv olublar. Qeyd edək ki, "Facebook” Amos-6
peykini "Internet.org” layihəsi çərçivəsində Afrika ölkələri üçün internetin
paylanması məqsədilə istifadə edəcəkdi. "Facebook”un CEO-su Mark Zükerberq
(Mark Zuckerberg) hadisə ilə bağlı çox üzgün olduğunu qeyd edib.
Hadisənin baş verdiyi ərəfədə Mark "Free Basics” layihəsinin
inkişafı üçün Afrikaya yollanmışdır. Qeyd edək ki, sözgedən layihə mobil
cihazlarda məşhur internet servislərə pulsuz girişi təmin edəcək. Mark qeyd edib
ki, Falcon 9 raketinin partlamasına baxmayaraq inkişafda olan ölkələri internet
şəbəkəyə qoşmaq üçün şirkət digər texnologiyalara sahibdir. Buna misal olaraqAquila adlı internet dronu gətirmək olar. Şirkət artıq hıəmin dronun test
uçuşlarına start verib. Falcon 9 Amos-6 peykini 3 Sentyabr tarixində Yer kürəsinin
orbitinə çatdırmalı idi. Raketin partlaması ilə bağlı videolar artıq internetə
yayılıb.
Linki kopyala
Bənzər xəbərlər
Oxşar xəbərlər
Həftənin xəbərləri
