Flash filmindən xəbərlər var
Digər
07.05.2017
Farid Pardashunas
Warner Bros. studiyası Flash haqqında çəkiləcək filmin rejissorunun kim olacağını qərarlaşdırıb. Filmin rejissor postunu Seth Grahame-Smith tutacaq. Qeyd edək ki, film Seth-in karyerasında ilk rejissor işi olacaq. Daha öncə o "Abraham Lincoln: Vampire Hunter" və "Dark Shadows" kimi filmlərin ssenariləri üzərində çalışmışdır. Filmdə baş rolu Ezra Miller canlandıracaq. Aktyor Barry Allen rolunu ilk dəfə gələn ilin mart ayında böyük ekranlara çıxacaq "Batman v Superman: Dawn of Justice" filmində canlandıracaq. Daha sonra o 2017-ci ildə premyerası gözlənilən "Justice League" filmində izləyicilərin qarşısına çıxacaq. "Flash" filminin premyerası isə 3 Mart 2018-ci ilə planlaşdırılır. Qeyd edək ki, 2014-cü ildən başlayaraq DC Entertainment şirkəti "Flash" teleserialının istehsalı ilə məşquldur. Lakin çəkiləcək film ilə serial arasında heç bir əlaqə olmayacaq.
Linki kopyala
Həftənin xəbərləri
