"Forbes" bu ilin ən varlı IT sahibkarlarının adlarını açıqlayıb
Elm & Texnologiya
07.05.2017
Farid Pardashunas
"Forbes” jurnalı IT sahəsi ilə məşqul olan 100 ən varlı sahibkarların adlarının reytinqini təqdim edib.
Planetin ən varlı sahibkarları siyahısında birinci yeri
yenidən Bill Qeyts (78 milyard dollar) tutub. O son iki onillik ərzində
siyahının birinci yerində qərarlaşır. "Forbes”-un hesablamalarına əsasən
dünyanın ən varlı 100 IT milyardçısının ümumi gəliri bir il ərzində 6% (892 milyard dollara qədər)
artıb. Siyahıda texnoloji biznes ilə məşqul olanların yarıdan çoxu amerikalı şəxslərdir.
Çin, varlı sahibkarlar siyahısında ikinci yeri (19 şəxs) tutub. Ən varlı çinli
sahibkar "Alibaba”-nın təsisçisi Ceka Ma (25.8 milyard dollar) hesab edilib.
Ondan sonra "Tencent” telekommunikasiya
şirkətinin direktoru Ma Xuaten (22 milyard dollar) yer alıb. Technote.az-ın "Forbes”
nəşriyyatına istinadən verdiyi xəbərə əsasən Bill Qeyts-dən sonra ikinci yeri məşhur
və böyük online mağaza "Amazon”-un təsisçisi Jeff Bezos (66.2 milyard ollar)
tutub. Bir il ərzində (2015-ci ilin avqust ayından 2016-cı ilin avqust ayına
kimi) Jeff 18.4 milyard dollar gəlir əldə edib. Onun bu uğuru "Amazon Web Services” cloud
servisinin inkişafı ilə əlaqəlidir. 3-cü yerdə "Facebook”-un yaradıcısı Mark
Zukerberq (54 milyard dollar) qərarlaşıb. Onun siyahıda bir pillə qalxmasının əsas
səbəbi isə şirkətin səhmlərinin qiymətinin 30% qalxmasıdır. Keçən il ikinci
pillədə olmuş "Oracle” şirkətinin təsisçisi Larri Ellison (51.7 milyard dollar)
bu il dördüncü pilləyə enib.
Daha sonrakı pillələri "Google” şirkətinin təsisçiləri Larri
Peyc və Sergey Brin (39 milyard və 38.2 milyard dollar), "Microsoft” şirkətinin
həmtəsisçisi Stiv Ballmer (27.7 milyard dollar) paylaşıblar. İlk onluğu isə "Dell”
şirkətinin təsisçisi Maykl Dell (22 milyard dollar) yekunlaşdırıb. "Forbes”-un
bildirdiyinə görə 100 varlı IT milyardçılardan 9-u öz biznes uğurlarına görə "Facebook”-a
borcludurlar. Həmin siyahıya Dastin Moskovits, Eduardo Saverin, Ceff Rotşild,
rusiyalı investor Yuri Milner və "WhatsApp”-ın yaradıcıları Yan Kum ilə Brayan
Ekton daxildirlər. "Forbes”-un siyahısına cəmi 5 milyardçı qadın daxil olub.
Onlardan ən varlısı isə mobil cihazlar üçün ekranların hazırlanması ilə məşqul
olan "Lens Technology” şirkətinin təsisçisi Çjou Kunfey-dir (6.4 milyard
dollar).
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!