Gear 360 kameraları bütün istifadəçilər üçün nə zaman satışa çıxacaq?
Elm & Texnologiya
07.05.2017
Farid Pardashunas
Samsung şirkəti Galaxy Note 7 smartfonunun anonsu ilə yanaşı öz panoram video çəkiliş özəllikli Gear 360 kameralarının irimiqyaslı istehsalata keçdiyini qeyd edib.
Sözügedən kamera hələ bu ilin fevral ayında Barselonada
keçirilmiş MWC 2016 tədbirində təqdim olunmuşdur. Gear 360 artıq bir sıra
regionlarda məhdud sayda satışa çıxmışdır. İndi isə şirkət onun istehsalını
irimiqyaslı edərək Galaxy Note 7 ekosisteminin bir hissəsinə çevirəcək. Cihazın
irimiqyaslı satışı Galaxy Note 7 ilə birlikdə 19 avqust tarixinə
planlaşdırılıb. Gear 360 ABŞ-da $349.99 qiymətinə satılacaq. Qeyd edək ki,
panoram (360 dərəcə) video çəkiliş üçün Gear 360 kamerası 2 ədəd 15 MP-lik
Fisheye sensorları ilə təchiz olunub. Həmin sensorlar saniyədə 30 kadr göstərici
ilə 3840x1920 piksel keyfiyyətli videolar və 30 MP keyfiyyətli fotolar çəkməyə
qadirdir. İstifadəçi istədiyi vaxt bir kameradan istifadə edərək 180 dərəcəli
videolar da çəkə bilər. Cihaz IP53 standartı üzrə nəmişlik və tozdan qorunma
xüsusiyyətinə sahibdir. Bütün bunlardan əlavə olaraq Samsung Gear 360 Wi-Fi,
Bluetooth 4.1, USB 2.0 girişi, akselerometr və hiroskopu özündə birləşdirir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)