Gears of War 4 -dən ilk məlumatlar
Digər
07.05.2017
Brilyant Rasulova
Nüfuzlu Game Informer jurnalı hamı tərəfindən gözlənilən
Gears of War 4 oyunu haqqında ilk məlumatları paylaşıb. Qeyd edək ki, oyun bu
ilin sonunda Xbox One üçün satışa çıxacaq. Lakin son günlər oyunun PC üçün də
satışa çıxacağı haqqında şaiyələr gəzir.
- Yeni oyunda bir ekranda iki nəfərlik co-op rejim olacaq
(online co-op rejim haqqında məlumat daha sonra paylaşılacaq)
- Oyunda hadisələr Gears of War 3-dəki hadisələrdən 25 il
sonra cərəyan edəcək. Təbii qazıntılar bitəcək və məhv olmaq üzrə olacaq insan
sivilizasiyası dəhşətli fırtınalardan qorunmaq üçün böyük divarlarla əhatə
olunmuş şəhərlərdə gizlənəcəklər.
- Oyunda fırtınalar "windflares" adlanacaq. Bu
fırtınalar adi fırtınalardan fərqli olaraq vulkanik tipli olacaq
- Studiya oyunda dinamik hava dəyişikliyi effekti yaradıb.
Güclü külək 3-cü səviyyəli fırtınaya çevrilərək düşmənlə döyüşlərdə ciddi
problemlər yarada biləcək
- 4-cü səviyyəli fırtına zamanı isə oyunçu sözün əsl mənasında
mübarizə aparmalı olacaq. O yerə vura biləcək güclü ildırımlardan yayınmalı
olacaq
- Oyunu oynayan zaman oyunçular külək haqqında düşünməli
olacaqlar. Belə ki, külək əks tərəfə əsərsə bu silahdan atılacaq güllələrin sürətinə
ciddi təsir edəcək. Lazımi istiqamətdə əsəcək külək isə oyunçuya daha tez tərpənməyə
imkan yaradacaq
- Düşmənlər də küləyə qarşı həssas olacaqlar. Beləliklə bu
özəlliyi onlara qarşı istifadə etmək mümkün olacaq
- Yeni oyunda hamıya orijinal oyundan tanış olan qorxuducu
mühit geri qayıdacaq
- Oyunun baş qəhrəmanı JD Fenix olacaq. O keçmiş hissələrin
baş qəhrəmanı Marcus Fenix-in oğludur. Onun komanda yoldaşları isə Kate Diaz və
Delmont Walker olacaq. Hadisələr əhaliyə yeni sirli düşmənlərin hücumu ilə
başlayacaq. JD Fenix-in komandası hücumun kimlər tərəfindən edilməsini öyrənmək
üçün meşəyə yollanacaq
- Yeni düşmənlərin adı "The Swarm" olacaq. Komanda
həmin düşmənləri məhz meşədə tapacaq. Onlar görünüşcə adi insanlara çox bənzəyəcəklər
- Həmin düşmənlər "Juvies" adlanacaq. Görünür
onlar təkamülün ilk mərhələsi olacaqlar
- Juvies-lər ani olaraq dronlara təkamül edə biləcəklər. Bu
halda onlar silahlardan istifadə edə biləcəklər
- Digər düşmən növü isə "Pouncer” adlanır. Onları E3 2015 oyun sərgisində göstərmişdilər.
Pouncer-lər oyunçunun qərarlarına əsasən döyüş taktikasını dəyişə biləcəklər.
Əgər siz onlardan qaçmağa can atsanız onda onlar sizlərə zəhərli maddə ilə atəş
açacaqlar. Yox əgər siz hansısa maneənin arxasında gizlənsəniz onlar sizə tərəf
qaçmağa başlayacaqlar
-
Studiya maneə arxasında gizlənmək sistemini yenidən qurmaq niyyətindədir
- Bundan
əlavə olaraq düşmənə yaxın olan zaman ona çiyinlə zərbə endirmək mümkün olacaq.
Təbii ki, düşmənlər də bu cür xüsusiyyətlərə malik olacaqlar
- Studiya
multiplayer rejimə lazımi diqqəti ayıracaq. Onların sözlərinə görə orijinal
oyunda 90% singleplayer rejimə 10% isə multiplayer rejimə diqqət ayrılmışdır.
Yeni studiya isə hər iki auditoriyanı məmnun etmək niyyətindədir
-
Oyunçuların Gears of War seriyasında sevdikləri Horde rejimi də geri qayıdacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Superkompüter bəşəriyyətin nə vaxt yox olacağını proqnozlaşdırıb!
Instagram-da sirli Stories-lərin yaradılması funksiyası istifadəyə verilib