Google şirkəti istifadəçilərin məlumatları öz aralarında paylaşmasına imkan verən Spaces adlı servisi təqdim edib. Faktiki olraq Spaces-i messenger adlandırmaq olar. Google Spaces-in Google, Chrome, Google Photo və YouTube ilə inteqrasiyası mövcuddur. Spaces-in köməyi ilə istifadəçi istənilən mövzuya müzakirə yaradaraq həmin müzakirəyə öz dostlarını SMS, elektron ünvan və digər yollar ilə dəvət edə bilər. Hər bir post üçün ayrıca çat və açar sözlərinin köməyi ilə sürətli axtarış sistemi var. Google-ın digər servisləri ilə inteqrasiyası imkan yaradır ki, istifadəçi digər tətbiqetmələrə daxil olmadan ona lazım olan foto, video və internetdən olan digər məlumatı əldə etsin. Google Spaces həm web versiyada həmdə Android və IOS platformalı smartfonlar üçün aktivdir. Servisdən istifadə etmək üçün isə Gmail istifadəçisi olmalıdır.