Google özünü həkim məsləhətçisi kimi sınayacaq
Elm & Texnologiya
07.05.2017
Farid Pardashunas
Google axtarış sisteminə pulsuz tibbi məsləhət üçün müraciət
edən istifadəçilər çox zaman külli miqdarda axtarış nəticələrinin hesabına özlərində
olmayan xəstəlikləri aşkar edərək özünümüalicə üsulu ilə əziyyət çəkirlər. Məsələn
simptomlar üzrə axtarış edən zaman allergik reaksiyanı qida zəhərlənməsi və
yaxud tam əksi ilə səhv salma ehtimalı böyükdür. Özünümüalicə etmək istəyənlərə
Google köməklik edəcək. Yaxın bir neçə gün ərzində şirkət öz axtarış sisteminə
yeni funksiya əlavə edəcək. Bu funksiyanın köməkliyi ilə xəstəliyin tam dəqiq
olmasa da ona yaxın diaqnozu aşkar etməyə yardımçı olacaq. Məsələn axtarışda "baş
ağrısı” yazan zaman onun ola biləcək səbəbləri (miqren, sinusit, soyuqdəymə)
axtarış nəticələri kimi istifadəçiyə təqdim olunacaq. Bundan əlavə olaraq
sistem xəstəliyin müalicə üsullarını və həkimə müraciət etmək məsləhətini
istifadəçiyə təqdim edəcək. Yeni funksiya "Knowledge Graph” (Məlumatlar Şəbəkəsi) servisi üzərində qurulub.
Bu servis etibarlı mənbələrdən alınmış məlumatları həkimlər tərəfindən təqdim
olunmuş məlumatlar ilə qarşılaşdırır. Bundan əlavə olaraq Google-a Harward tibb
məktəbi və böyük fərdi tibbi mərkəzlərdən biri olan Mayo klinikası köməklik
göstərir. Simptomlar üzrə axtarış funksiyası Google axtarış sisteminin IOS və
Android versiyaları üçün aktiv olacaq. Sözügedən sistem ilk öncə ABŞ üçün aktiv
ediləcək. Lakin gələcəkdə Google xəstəliklərin və funksiyanın aktiv olacaq ölkələrin
sayını artırmağı planlaşdırır.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ