Hansı Android smartfonlar tez-tez yenilənmə əldə edirlər?
Elm & Texnologiya
07.05.2017
Farid Pardashunas
Android smartfon istehsalçılarının sayı nə qədərdir? Bu sual
barəsində böyük şirkətləri saymaq olsa da adı tanış olmayan bir çox Çin şirkətlərini
saymaq çətinlik yaradır. Nəticədə bu sualın cavabını aydınlaşdırmaq üçün bir qədər
vaxt lazımdır. Böyük şirkətlərin fərqi ondadır ki, onlar texniki tərəfin
istehsalından başqa öz cihazlarının istifadəçilərini gələcəkdədə dəstəkləməyə
diqqət ayırırlar. Hal-hazırda 2016-cı ilin ortalarıdır. Lakin bir çox yerlərdə
Android 6.0 Marshmallow-u yeni sistem əməliyyatı ilə qələmə verirlər. Əgər həmin
sistem 2015-ci ilin sonunda təqdim olunubsa o necə yeni hesab edilə bilər? Bəli
sözügedən sistem aktual və müasirdir. Lakin yeni deyil. Bu cür nəzər nöqtəsi
IOS platforma istifadəçisinə məxsusdur. Apple-ın sistem yenilənmələri qrafik
üzrə və vaxtında təqdim olunur. Android-də isə belə deyil.
Google-ın Nexus seriyası
Google özü smartfon istehsalı ilə məşqul olmasa da şirkət
bir çox istehsalçılar ilə əməkdaşlıq edir. Həmin istehsalçılar sayəsində Nexus
seriyası ortaya çıxıb. Qeyd etmək lazımdır ki, bu seriyanın cihazları ən azı 2
illik trenddə qalan standart sistem əməliyyatına sahib olurlar. Bu baxımdan
Google nümunə götürüləsi şirkətdir. Məsələn köhnə Nexus 5-ə rahatlıqla Android
6.0-nı yazıb işlətmək mümkündür.
Lenovo-nun Moto seriyası
Google Motorola-nı alan zaman şirkətin istehsal etdiyi
smartfonların ən müsbət cəhəti onların sistem əməliyyatlarının vaxtında yenilənməsi
oldu. Bununla belə smartfonlarda hansısa qıraq ayarlar və funksiyalar yox idi.
Söhbət təmiz Android sistemindən gedir. Google Motorola ilə işləyə bilməyəndən
sonra onu Lenovo şirkətinə satdı. Lenovo isə öz növbəsində Moto seriyasını
ayrıca bir şöbə kimi yaratdı və nəticədə Lenovo-nun "bahalı” telefonlar
seriyasına bənzədi. Həmçinin Android-in yeni versiyalarına kimi yenilənmək
brendin güclü tərəflərindən biri olaraq qalır. Ümid edək ki, bu gələcəkdədə belə
olacaq.
Sony
Sony öz smartfonlarında Android sistemlərini tez-tez yeniləməsə
də şirkət köhnə smartfonlarını unutmur. Sony daha əvvəllər satışa çıxarılmış
cihazlara diqqət ayırmağa çalışaraq 2 illik sistem təminatı dəstəyini göstərir.
Şirkətin Android 6.0-a kimi yenilənmiş ən köhnə smartfonu Xperia Z2-dir. Lakin
smartfon Android N dəstəyini alacaqmı? Çox gümanki xeyr.
HTC
Son illər ərzində HTC-nin əzəməti aşağı düşsə də şirkət həvəsdən
düşmür və öz pərəstişkarlarını sevindirməyə çalışır. Qeyd etmək lazımdır ki,
HTC köhnə cihazları yeni updatelər ilə dəstəkləməyə davam edən şirkətlərdən
biridir. Bu siyahıya həmçinin One M7 və M9 modelləri də daxildir. Əgər şirkət
bu strategiya ilə davam etsə və qiymət siyasətinə nəzər salsa onda onun
smartfonlarının məşhurluğu yenidən qalxmağa başlayacaq.
Huawei
Çinli istehsalçılar sistem yenilənməsi barəsində o qədər də
həvəsli olmurlar. Bir çox şirkətlər yeni smartfonları Android-in yenilənmiş
versiyaları ilə satışa çıxartmağa üstünlük verirlər. Huawei Google ilə əməkdaşlıq
edəndən sonra şirkət öz rəqiblərinin fonunda uğurlu nəticələr əldə etdi. Hətda Huawei
söz verib ki, 2 il bundan öncə satışa çıxmış Huawei P7 smartfonu Android 6.0
yenilənməsini əldə edəcək.
Çox zaman sistem yenilənmələri tamamilə fərqli vizual dəyişikliklər
əlavə etmirlər. Məsələn Android 6.0-dan Android 6.0.1-ə kimi yenilənəndə
qarşında tamamilə təzə smartfonun olduğu hissi yaşanmır. Lakin buna baxmayaraq
Google bu üsulla sistemin təhlükəsizliyi problemlərini həll edir. Beləliklə
istehsalçılar sistem yenilənmələrini tez-tez təqdim edərək istifadəçilərin
aylarla hətda illərlə belə gözləmələrinə şərait yaratmayacaqlar.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək