Hekayələşdirmənin marketinq strategiyanıza müsbət təsiri
Digər
07.05.2017
Farid Pardashunas
Uşaqlara yatmazdan əvvəl həyatın həqiqətləri barədə danışmaq yerinə, hekayə/nağıl danışılmasının bir səbəbi var. Hekayələrin xəyal aləmimizi inkişaf etdirən, bizi içinə çəkən və həmişə daha çoxunu istəməyimizə səbəb olan bir təsiri var.
Artıq
hekayələr sadəcə uşaqların yataq otaqlarında danışılmamalıdır. Hekayələr brendlər
üçün mükəmməl bir marketinq strategiyasına çevrilə bilər. Brendlər bu yolla hədəf
kütləsinə səsini daha çox eşitdirə və daha çox yaddaşlarda qala bilərlər.
İndi
isə hekayələşdirmənin marketinq üzərindəki 5 müsbət təsirinə baxaq.
Hekayələr inandırıcıdır.
Hekayələr
hədəf kütlənizdə empatiya hissi yaradaraq, onları sizin məhsulunuzu almağa sövq
edir. Məhsulunuzun yaradıcı və ya yararlı tərəflərini qeyd etdiyiniz bir siyahı
nə qədər yaxşı yazılsa da, heç vaxt o məhsul haqqında maraqlı bir hekayə ilə
eyni effekti verməz.
Hekayələr, müştərinizin məhsulunuzu istifadə etmədən başa düşməsinə kömək edər.
Hekayələrlə
insanların sizin məhsulu istifadə etməsə belə, onu sınaqdan keçirdikləri hissini
yaşada bilərsiniz. Hekayələri istifadə edərək öz baxış bucağınızı kütlənizə
çatdıra bilərsiniz. Beləcə hədəf kütlənizin hiss etdikləri sayəsində onların
sizin brendinizə bağlanmasına nail ola bilərsiniz.
Hekayələr brendinizi insanlaşdırar.
İnsanlar
adətən bildikləri və inandıqları şəxslərdən bir şeylər qazanmaq istəyirlər.
Hekayələrin vasitəsi ilə brendinizi özəlləşdirə
bilər və hədəf kütlənizin brendinizlə bir bağ yaratmasına kömək edə bilərsiniz.
Hekayələr viral təsir yaradır.
Sosial
şəbəkələrdə insanlar brend səhifəsi yerinə, hekayə paylaşmağa və ya bəyənməyə
üstünlük verir. Xüsusilə maraq oyandıran, təəcübləndirən və ya əyləndirən hekayələr
çox daha artıq paylaşılıb, bəyənilir. Siz də insanlarda bu hissləri oyandıracaq
hekayələr paylaşaraq daha çox insana çata bilərsiniz.
Hekayələr xatırlanır.
Haqqında
bir hekayə hazırladığınız marketinq kampaniyaları yekunlaşsa belə, hekayəniz
insanlar tərəfindən xatırlanacaqdır. İnsanlar üzərində təsir yaradan bir hekayə
heç vaxt unudulmaz.
İnvestorlar üçün gələcəyi görə bilmək ən vacib xüsusiyyətdir.
"Significant
Objects” layihəsi, hekayələşdirmənin insanlar üzərində nə dərəcə təsirli ola
biləcəyini və hekayənin, bir məhsulun dəyərini nə qədər artıra biləcəyini görməmizə
səbəb olacaq bir nümunədir. 2009-cu ildə Coşua Qlen və Rob Volker tərəfindən həyata
keçirilən bu layihə "Lazımsız bir şeyə, bir hekayə ilə vaciblik qazandıra bilərikmi?”
sualına cavab tapmaq üçün başladıldı. Layihə belə işləyirdi: Hər hansı maddi və
ya mənəvi bir dəyəri olmayan məhsullar çox ucuz qiymətə alıb, hər birinə "saxta”
bir hekayə yazaraq "eBay”da satmağa çalışırdılar. Əldə edilən nəticələr həqiqətən
maraqlı idi: Ümumi 128,74 Dollara aldıqları məhsulların tamamını onlar üçün
yazdıqları hekayələrlə birləşdirib 3.612,51 dollara sataraq 2700%-lik bir gəlir
əldə etdilər.
Əsl Uğur Hekayəsi – Türk Hava Yolları
Bolqarıstan-da
anadan olmuş Safiyə Adəmoğlunun həyat hekayəsi üzərindən, qadın pilotlarla
bağlı əlaqə yaradılır və əlbəttə insan resursları üçün danışılacaq gözəl bir
hekayə ortaya qoyulur.
Arçelik – Eşqlə Dizayn Edilmiş
Arçelik
və Çeliknaz-ın sevgi hekayələrini qələmə alan bu reklam silsiləsi yəqin ki, hər
birimizin xatirindədir.
Cornetto – #aşktacesurolan
Məşhur
müğənnilərin iştirakı ilə yay aylarında dondurma reklamlarını hekayələşdirən
Cornetto-nun bu təşəbbüsü çox uğurludur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!