Hideo Kojima-dan E3-də böyük sürpriz

Sony-nin press-konfransı zamanı heç kimin gözləmədiyi böyük bir sürpriz oldu. Belə ki, Hideo Kojima öz yeni oyununun ilk trailerini təqdim etdi. Deməli Hideo Kojima-nin yeni oyunu Death Stranding adlanır. Onun baş qəhrəmanı isə hamımızın The Walkind Dead serialından yaxşı tanıdığımız aktyor Norman Reedus olacaq. Kojima-nın dediyinə görə o hələ oyunun hansı mühərrikdə çalışacağını müəyyən etməyib. Oyun haqqında ətraflı məlumatı və baş qəhrəmanın adını Kojima hələki sirr olaraq saxlayır. Oyunun adını isə kiminsə daha yeni dünyaya səyahəti kimi anlamaq olar. Kojima qeyd edib ki, oyunda action bol dərəcədə olacaq. Death Stranding PC və PS4 üçün hazırlanır. Onun satışa çıxma tarixi isə bilinmir.