main-post-cover

    HoloLens satışa çıxmağa tələsməyəcək

    Elm & Texnologiya
    07.05.2017
    Farid Pardashunas
    Microsoft şirkətinin yaratdığı və böyük səs-səda doğurduğu HoloLens adlı virtual reallıq eynəkləri 5 ildən sonra satşa çıxacaq. Bu məlumatı şirkətin direktoru Satya Nadella Dreamforce adlı konfrans zamanı bildirib. Onun sözlərinə görə eynəyin hazırlanması ilə satışa çıxması arasında müddət 5 ilə bərabər olacaq. Beləliklə eynəklərin tam versiyası yalnız 2020-ci ildə işıq üzü görəcək. Lakin eynəklər üçün müxtəlif növ proqram təminatı və oyunlar hazırlayan studiyalar artıq gələn ildən etibarən eynəklər üzərində çalışa biləcəklər. Nadella qeyd edib ki, həyatın müxtəlif sahələrində istifadəsi planlaşdırılan eynəklər üzərində işlərə başlayacaq studiyalar üçün bu çox əla təcrübə olacaq. Məsələn bu yaxınlarda eynəklər vasitəsilə universitet çərçivəsində gələcək həkimlərin təhsil almalarının potensialı nümayiş etdirilib. Daha sonra bizlər HoloLens üçün nəzərdə tutulmuş Minecraft oyununu gördük. Artıq NASA bildirib ki, gələcəkdə bu texnologiya vasitəsilə Marsda olacaq robotları idarə etmək mümkün olacaq. Məlumata görə Microsoft HoloLens-i aktiv şəkildə inkişaf etdirməyi planlaşdırır. Şirkət artıq bir sıra reklam agentlikləri, sərgi təşkilatçıları və böyük mağazalar ilə müqavilələr bağlayır. Nadella-nın sözlərinə görə HoloLens ilə Microsoft real həyatı rəqəmsala çevirir. Rəqəmsal dünya real dünya ilə birləşir. Məhz buna görə nəticə qarışıq reallıq adlanır. 

    Linki kopyala