İnternetin 25 yaşı tamam olub

İnternet öz inkişafında daha bir mərhələni geridə qoydu. 6 Avqust 1991-ci ildə - yəni 25 il bundan öncə dünyada ilk veb-sayt istifadəyə verildi.

Onun müəllifi Tim Berners-Lee idi. Dünyadakı ilk veb-səhifəsində isə World Wibe Web (WWW) layihəsinin təsviri əks olunmuşdur. Layihənin kütləvi startı isə 23 avqust tarixində baş vermişdir. Məhz 23 avqust ümmumdünya internet şəbəkəsinin işə salınması kimi tarixə həkk olundu. Bu texnologiyanın növbəti inkişaf mərhələsi isə 1993-cü ildə ilk veb-brauzer Mosaic-in yaradılması oldu. Tim Berners-Lee-nin bu işi inqilab etmək deyil akademik əməkdaşlığın yaradılmasına yönəlmiş bir cəhd idi. Lakin şübhəsiz ki, 1991-ci il kommunikasiya sahəsinin təməlli inkişafına start vermişdir.