KFC müştərilərin xarici görünüşlərinə görə menyular təklif etməyə başlayıb
Elm & Texnologiya
07.05.2017
Farid Pardashunas
Məşhur KFC fast-food restoranlar şəbəkəsi, özünün standart olmayan reklam üsulları ilə tanınır.
Bununla yanaşı restoranlar şəbəkəsinin kreativ şöbəsi yeni
texnologiyaları mənimsəyəndən sonra hər şey daha da maraqlı oldu. Bu dəfə KFC-nin Çin filialı fərqlənib. Belə ki, sözügedən filial, interaktiv köşkü olan
"ağıllı” restoranını istifadəyə verib. Həmin restorandakı interaktiv köşk, müştərilərin
xarici görünüşlərinə əsaslanaraq onlar üçün ən optimal yemək menyusunu təqdim
edir. Öz layihəsinin reallaşdırılması üçün KFC, Çinin "Baidu" adlı axtarış şirkəti
ilə əməkdaşlıq edib. Kameralı və avtomatlaşdırılmış görmə sistemli terminal,
müştərinin təqribi yaşını və cinsini təyin edir. Bununla yanaşı o, müştərinin
üz ifadəsinə görə onun əhvalının necə olmasını da təyin edə bilir.
Bu məlumatlar isə öz növbəsində müştəri üçün ən optimal
menyunu təyin etməkdə köməklik edir. Məsələn 20 yaşlı gənc oğlana böyük yemək
menyusu, səhər radələrində restorana gəlmiş 50 yaşlı qadına isə düyü sıyığı və
soya südü (söhbət Çindən gedir) təklif olunacaq. Sözügedən KFC filialı öz mütəmadi
müştərilərinin sifarişlərini yadda saxlayır və həmin müştərilər yenidən
restorana gələndə terminal onların sevdikləri yeməkləri təqdim edir. Müştərinin
özü isə terminalın təklif etdiyi menyu ilə razılaşmayaraq öz istəyinə görə digər
menyunu seçə bilər. Hələki bu cür "ağıllı” restoran yalnız Pekində fəaliyyət
göstərir.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ