Lenovo öz yeni mükəmməl smartfonunu təqdim edib
Elm & Texnologiya
07.05.2017
Farid Pardashunas
Lenovo Tech World tədbiri zamanı şirkət öz yeni smartfonu
Lenovo Phab 2 Pro-nu təqdim edib. Sözügedən cihaz Google şirkətinin Project
Tango texnologiyasını dəstəkləyən ilk smartfondur. Bundan əlavə olaraq o 4
kamera ilə təchiz olunub. Onun əsas özəlliklərindən biri də əlavə cihazsız
virtual reallıq xüsusiyyətini dəstəkləməsidir. Smartfon mühitin 3D xəritəsini
yaradaraq mühitdə baş verən hərəkətləri əks etdirə bilir. İstifadəçi smartfonun
ekranında mühitdə olan hər hansı bir əşyanı işarələyir. Smartfon isə öz növbəsində
avtomatik olaraq əşyaya qədər olan məsafəni hesablayır və onun ölçülərini təyin
edir. Məsələn otaqda olan zaman istənilən virtual əşyanın görüntüsünü ekranda əks
etdirərək onu ətraflı müşahidə etmək mümkündür. Digər böyük virtual reallıq
cihazlarından fərqli olaraq bu smartfonu gündəlik həyatda istifadə etmək çox
rahatdır. Lenovo Phab 2 Pro təkcə virtual reallıq üçün nəzərdə tutulmayıb. O
adi smartfon qismindədə əla cihazdır. Texniki göstəricilər baxımından smartfon
2560x1440 piksel keyfiyyətli 6.4 inç HD
ekran, 8 nüvəli Snapdragon 652 prosessoru, 4 GB-lıq RAM, 32 GB-lıq daxili
yaddaş (smartfon microSD özəlliyini dəstəkləyir) ilə təchiz olunub. Kameralara
gəldikdə isə smartfonun sahib olduğu 4 kameradan 2-i virtual reallıq funksiyası
üçün nəzərdə tutulub. Foto və video çəkmək üçün isə Lenovo Phab 2 Pro 16 MP-lik
arxa kameraya və 8 MP-lik ön kameraya sahibdir. Arxa kamera vasitəsilə istifadəçilər
4K formatlı videolar çəkə bilərlər. Bütün bunlardan əlavə o 4050 mAh enerji tutumlu
batareya və barmaq izi tanıma funksiyası ilə təchiz olunub. Qiymətə gəldikdə
Lenovo Phab 2 Pro $500 qiymətinə satılacaq. Bu cür smartfon üçün çox əla qiymətdir.
Smartfonun satışları bu ilin sentyabr ayında start götürəcək. Hal hazırda onun
virtual reallıq funksiyası üçün nəzərdə tutulmuş 25.000 tətbiqetmə var. İlin
sonuna kimi bu göstərici 100.000 olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)