MacBook və Surface Pro`ya rəqib: ASUS ZenBook 3

ASUS, yeni ultrabook kompyuteri ZenBook 3 modelini tanıtdı.

 

ASUS, ZenBook ailəsinə yeni model əlavə etdi. ZenBook 3 olaraq tanıdılan yeni notebook olduqca incədir və texniki göstəriciləri ilə diqqət çəkir.

11.9 mm qalınlıqda və 910 qram ağırlıqda olan yeni ZenBook 3'də, 12.5 düymlük ekran quraşdırılıb. Bu cihaz hal hazırda bazarda ən incə kompyuter olan MacBook kompyuterlərdən daha incədir.

Intel'in Core i5 prosessorundan güc olan cihaza 4GB RAM və 256GB SSD yaddaş quraşdırılıb. Bununla yanaşı istəyənlər üçün Core i7 prosessorlu, 1 TB SSD və 16GB RAM versiyaları da təqdim olunur.

Metal gövdəyə malik olan cihaz, Quartz Grey, Royal Blue və Rose Gold rəng seçimləri ilə satışa çıxacaq. Cihazın ekranı qırılma və zərbələrə qarşı dayanıqlı olan Gorilla Glass 4 ilə təçhiz olunub. Təxminən 9 saatlıq batareya ömrü olan cihazda şarj girişi olaraq USB Type-C quraşdırılıb. Windows Hello dəstəyi olan cihazda həmçinin barmaq izi sensoru da var.

Intel Core i5 prosessor, 4 GB RAM və 256 SSD göstəricilərinə sahib ZenBook 3, 999 dollar qiymətlə satışa çıxacaq. 512 GB SSD yaddaş həcminə malik olan model 1499 dollar, Core i7 prosessor, 512 GB SSD və 1TB SSD olan modelin qiyməti isə 1999 dollar olaraq açıqlandı. Cihazların satışa çıxacağı vaxt isə hələlik məlum deyil.