Məktub göndərməklə necə milyonçu olmaq olar?
Digər
07.05.2017
Farid Pardashunas
Adi məktubların göndərilməsi ilə necə milyon dollar qazanmaq
olar? Əgər Alyaskada yaşayırsınızsa bunu etmək çox sadədir. Əgər həmçinin nəzərə
alınsa ki, siz, Nort Poul adlı şəhərdə yaşayırsınız, onda buna nail olmaq üçün
bütün şanslarınız var. 2001-ci ildə sözügedən şəhərin sakini Byron Reese-in
ağlına çox maraqlı bir ideya gəldi. Bir çox uşaqlar Yeni il qabağı və Yeni il
axşamı nəyi arzulayırlar? Təbii ki, Şaxta babadan təbrik məktubu almaq. Bundan əlavə
olaraq belə bir məktubun üzərində Şimal Qütbü də yazılsa, onda bu məktubun
saxta olduğuna inanmaq bir qədər çətin olacaq. Beləliklə Byron Reese, sadə bir
nağıla olan inancdan pul qazanmaq fikrinə düşdü. Onun ilk işi, internetdə elan
yerləşdirmək oldu. Öz övladlarını sevindirmək istəyən valideynlər sadəcə olaraq
göstərilmiş elektron ünvana sorğu göndərməli və 9.95$ ödəməli idilər. "Şaxta baba”
isə artıq adi poçt servisi vasitəsilə, bəzədilmiş təbrik məktubunu göndərirdi. 2001-ci
ilin sonuna kimi Byron Reese, artıq 10.000 sorğu qəbul etmişdi. Ümumi pul
köçürmələri isə 100.000$ təşkil etmişdi. O buna bir neçə gün ərzində nail
olmuşdu. Təbii ki, Reese və onun köməkçiləri, hər bir sorğunun cavabsız
qalmaması üçün böyük əziyyət çəkdilər. Lakin əldə olunan nəticə həmin əziyyətə
dəydi.
Növbəti il Reese, bu bizneslə tam ciddi şəkildə məşğul
olmağı qərara aldı. Beləliklə o bu iş üçün əlavə köməkçilər yığdı və təbrik məktublarındakı
mətni öncədən hazırladı. Hər il Şaxta
babadan olan təbrik məktublarına tələbat sürətlə artır. Bu cür sorğuların sayı
artıq 100.000-i keçib. Byron Reese isə artıq çoxdan milyonçu hesab edilir.
Baxmayaraq ki, ilin sadəcə bir ayını çalışır. Onun dostları və qohumları
bildirirlər ki, bayram ərəfəsində onunla əlaqə saxlamaq qeyri-mümkündür. Həmin
vaxtlarda onun internet saytında bütün ay boyunca belə bir ismarıc olur. "Mən məşğulam.
Elflərə, hədiyyələri yükləməyə kömək edirəm”. Byron Reese-in nail olduğu bu
nailiyyət, böyük pulların məhz böyük şəhərlərdə qazanılması fikrini alt-üst edir.
Belə ki, Byron Reese-in yaşadığı Nort Poul şəhərində 2000-dən bir qədər çox
insan yaşayır. Bu hətta şəhər deyil, böyük bir kənd hesab edilir. Lakin buna
baxmayaraq öz məqsədinin ardınca gedən insan üçün bu cür xüsusiyyətlər heçdə sərhəd
deyil.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!