Məzmunların viral olmalarında səbəb nədir?
Elm & Texnologiya
07.05.2017
Farid Pardashunas
Bəlkədə hər bir internet istifadəçisi viral məzmun ilə tanışdır. Əgər bu termin ilə tanış deyilsəniz belə onunla bir
dəfə də olsun mütləq qarşılaşmışsınız. Bu qısa müddət ərzində milyonlarla baxış
sayı yığan viral videolar və ya istifadəçilərin mütəmadi olaraq paylaşdığı hər-hansı
bir fotolar ola bilər. Bu cür məzmunlar internetdə virus kimi yayılırlar. Bu
cür məzmunlar tez bir zamanda yayılırlar və əgər birinci dalğa keçsə belə həmin
məzmunlar unudulmur. Lakin bu və ya digər məzmunu viral edən səbəblər nələrdir?
Məsələn nəyə görə asqıran panda balasının videosu bir çox professional çəkilmiş
videoları baxış sayına görə üstələyir? Mütəxəssislərin fikrincə hansısa məzmunun
viral olması üçün həmin məzmun ən azından bir neçə tələbi yerinə yetirməlidir.
Emosionallıq
Pensilvaniya Universitetindən olan Conoy Berger və Ketrin Milkmen-nin araşdrmalarına əsasən məzmunun viral
olmasının ən vacib tələbi onun emosional olmasıdır. Bununla belə söhbətin hansı
emosiyadan getdiyinin fərqi yoxdur. Bu həyəcan, təəccüb, qorxu və qəzəb də ola
bilər. Əsas məsələ izləyicinin keçirtdiyi emosiya parlaq və təbii olmalıdır.
Belə halda istifadəçi mütləq həmin məzmunu digərləri ilə paylaşmaq istəyəcək.
Praktiklik
Məzmunun viral olmasının daha bir
yolu onun nəsə faydalı və praktiki olmasıdır. Berger və Milkmen-nin tədqiqatları
göstərdi ki, istifadəçilər çox zaman müxtəlif faydalı məsləhətləri və təlimatları altruizm (Başqa adamlara təmənnasız xidmət göstərilməsindən, onların xoşbəxtliyi
naminə öz şəxsi mənafeyini qurban verməkdən ibarət əxlaqi prinsip) səbəbindən
paylaşırlar. Yəni insan maraqlı bir məlumat ilə qarşılaşır və düşünür ki, həmin
məlumat öz yaxınlarına da faydalı ola bilər. İnternetdə olan müxtəlif yemək
reseptlərinin və digər buna bənzər məlumatların məşhurluğu məhz bununla
açıqlanır.
Oxunuşu asan olan
Viral məzmun komfortlu məzmundur.
Siz istədiyiniz böyüklükdə təlimat yaza bilərsiniz. Lakin onun oxunuşu asan
olmasa onda o, məşhur olmayacaq. Tədqiqatçılar qeyd edirlər ki, məzmun o vaxt
viral ola bilər ki, həmin məzmun hətta 9-cu sinifdə oxuyan şagird tərəfindən də
rahat anlaşıla bilinsin.
Emosional boyanmış sözlər
Çox zaman viral məzmun emosional
boyanmış sözlərdən ibarət başlığa sahib olur. Məsələn çətin ki, "A və B küçələri
arasındakı nəqliyyat hadisəsi” başlıqlı video çox baxış sayı yığsın. Lakin "A şəhərində
baş vermiş dəhşətli nəqliyyat hadisəsi” başlıqlı video artıq üstünlüyü özünə tərəf
çəkir. Təbii ki, sözlərlə olan bu cür oyunu manipulyasiya adlandırmaq olar.
Lakin viral məzmunun uğurunun qiyməti budur. Bundan əlavə olaraq heç bir söz
oyunu, məzmunu onun başlığı ilə daxilindəki məlumatın üst-üstə düşmədiyi halda onu
viral etməz.
Doğruluq və gerçəklik
Bəlkədə siz internetdə şoka salan
başlıqlı reklam məqalələrinə rast gəlmisiniz. Lakin həmin məqaləyə daxil olan
zaman çox banal bir məlumat ilə qarşılaşmısınız. Sizin fikrinizcə bu cür məzmun
viral ola bilərmi? Təbii ki, yox. Digər sözlə, məzmunun başlığı onun daxilindəki
məlumat ilə üst-üstə düşməlidir. Məzmundakı daxili məlumat da öz növbəsində istifadəçinin
güvənini qazanmalıdır. Məsələn istifadəçilər hansısa mütəxəssisin sözlərinə əsaslanaraq
tərtib olunmuş məzmunları daha sıx paylaşırlar.
Vizual cəlbedicilik
Sosial şəbəkədə gözəl şəkildə tərtib
olunmuş ismarıc adi linkdən daha effektivdir. Statistikaya görə tweet-ə foto əlavə
edilən zaman həmin tweet-in retweet olunma şansı 35% yüksəlir. Facebook-da isə
fotoya sahib məzmunlar adi mətn məzmunlarda 87% daha məşhurdur.
Məzmunu paylaşmaq üçün uğurlu
zaman
Təbii ki, artıq viral olmuş bir məzmun
üçün onun hansı zaman paylaşıldığının bir önəmi yoxdur. Belə ki, insanlar zatən
onu gecə-gündüz paylaşacaqlar. Lakin viral olma şansına sahib məzmunun
paylaşılması üçün uyğun zamanı yaxalamaq lazımdır. Tədqiqatlara əsasən məzmun, bazar ertəsindən cümə axşamına kimi olan zaman intervalında paylaşılsa onun
viral olma şansı daha böyükdür. Ortalama bloglarda aktivliyin pik nöqtəsi səhər
saat 11-ə təsadüf edir. İstirahət günləri isə nəsə yeni məzmunun paylaşılması üçün
uğurlu vaxt olmasa da artıq məşhurlaşmış digər bir məzmunun yenidən
paylaşılması üçün uyğun variantdır.
Linki kopyala
Bənzər xəbərlər
Oxşar xəbərlər
Həftənin xəbərləri
