My Company, My Startup ilə xarici ölkələrə səyahət et, startup təcrübəsi qazan
Elm & Texnologiya
07.05.2017
Farid Pardashunas
My
Company My Startup AIESEC Azərbaycan təşkilatının dəstəyi ilə yaradılmış biznes
yönümlü layihədir. Layihənin məqsədi yerli və beynəlxalq səviyyədə gənc nəsil
sahibkarların yaradılmasına yönəlmişdir. Layihə komandanlardan ibarət olan Azərbaycan
istedadlı biznes tələbələrinə sahibkarlıq üzrə biznes planı yazmağı və dünyanın
müxtəlif ölkələrində yerləşən AIESEC ofislərində təşkil etmək imkanı yaradır. 6-8
həftəlik təcrübə ərzində iştirakçılar sahibkarlıq, maliyyə, marketinq, HR, təşkilati
inkişaf və bu kimi müxtəlif sahələrdə təlimlər təşkil edəcəklər. Təcrübənin son həftəsi "Business Case” təşkil
olunmasına həsr olunacaq və mübadilə iştirakçıları yerli dinləyicilər(iştirakçılar)
arasından ən yaxşı startup fikrini seçəcəklər.
My Company My Startup layihəsi 2012, 2014 və 2015-ci illərdə Şri-Lanka, Cənubi Afrika Respublikası və
Meksika olmaqla 8 Azərbaycanlı gənc və tələbələr tərəfindən uğurla həyata
keçirilmişdir. Layihə sahələri Turizm və Otelçilik,
Layihə İdarəetməsi və KOM olmuşdur. İndi isə, AIESEC Azərbaycan təşkilatı My
Company My Startup layihəsini daha böyük miqyas və imkanlarla həyata keçirməyə
başlayıb.
Bu layihəni keçirməkdə əsas məqsəd
gənc nəsil sahibkarlar formalaşdırmaqdır. Bu proqram
istedadlı gənclərə öz startuplarını başlamaq üçün yetərincə özgüvən və bacarıqlar
qazanmaq imkanı yaradır.
Faydaları:
1.
İstedadlı biznes yönümlü gənclərin yerli və beynəlxalq əlaqələrin
yaranması
2.
Korporativ təlimçilər
tərəfindən keçiriləcək təlimlər
3.
Yerli və beynəxalq
tələbələrin güclü şəbəkəsi
4.
Beynəlxalq komandada işləmə imkanı (komandanız yalnız yerli yox həmçinin
beynəlxalq iştirakçılardan qurula bilər)
5.
Layihə Meneceri kimi sən qiymətli liderlik və komanda idarəçiliyi
bacarıqlarına yiyələnəcəksən
6.
Nəzəri biliklərin
təcrübədə tətbiq etmə imkanı
7.
Müxtəlif mədəniyyətlərin
mübadiləsi
8.
Azərbaycanı müxtəlif
ölkələrdə təmsil etmə imkanı
9.
Təcrübə başa
çatdıqdan sonra iştirakçıların sertifikatla təltif olunması
Namizədə aid tələblər:
18-30 yaş arası, yaxşı İngilis dili səviyyəsinə
malik olan və layihənin bir hissəsi
olmaq istəyən hər kəs müraciət edə bilər. Biznes, Maliyyə, HR, Mühəndislik və Kompüter Elmləri aktiv sahələrdir.
Layihənin müddəti:
Layihə 6-8 həftə davam edəcək.
Layihənin həyata keçmə müddəti
İyun, İyul və Avqust aylarıdır.
Xərclər:
İştirakçı 200 AZN iştirak
haqqını və səyahət xərclərini qarşılayır. Viza və sığorta xərclərində Vizam.az
şirkəti ilə əməkdaşlığımız nəticəsində endirim əldə edəcəkdir.
Yerləşdirmə və yemək gedəcəyiniz
ölkənin AIESEC təşkilatı tərəfindən təmin ediləcək.
Necə müraciət etməli:
Müraciət fomunu doldurun http://mystartup.az/apply.
Facebook: https://www.facebook.com/mycompanymystartup
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)