Əvvəllər bir neçə dəfə buna cəhd edilsə də heç vaxt reallaşmayan bu hadisə nəhayət reallığa çevrilib.
Buna iPhone-un hack edilməsi də deyə bilərik. Çünki, bu əməliyyatı həyata keçirən şəxs qəribə bir üsuldan istifadə edərək iPhone cihazında Android əməliyyat sistemini çalışdırıb. Proqramlaşdırma şirkəti olan Tendigi idarəçilərindən biri Nick Lee işin arxasında olan şəxsdir. Mediada əsasən fərqli cihazlarda fərqli əməliyyat sistemlərini işə salan adam kimi tanınan Nick bu işi deyəsən özünə peşə seçib. Son olaraq Apple Watch-da Windows 95 əməliyyat sistemin çalışdıran bu proqramist bu dəfə iPhone-a Android-i yükləməyi bacarıb. Sözügedən şəxs fərqli bir qoruyucu korpusdan istifadə edərək sistemə müdaxilə edib və Android əməliyyat sisteminin iPhone-da istifadə olunmasına nail olub. Buyurun həmin videonu sizlərə təqdim edirik:
Lakin videoya diqqətlə nəzər salsaq, bu əməliyyata tam olaraq iPhone-a Android-in yüklənməsi adını qoya bilmərik. Görüntülərdən də məlum olur ki, Nick Lee əlavə xarici yaddaşdan və korpusdan istifadə edir. Lightning girişi hissəsinə xarici yaddaş qurğusu daxil edərək Referans olaraq Nexus 5-dən istifadə edir və bunun nəticəsində iPhone-da Android əməliyyat sistemindən istifadə etməyi bacarır.
Şərh yoxdur