Nəyə görə bu il iPhone 7 təqdim olunmayacaq?
Elm & Texnologiya
07.05.2017
Farid Pardashunas
2008-ci ildə Apple şirkəti iPhone 3G modelini satışa
çıxardandan sonra hər iki ildən bir sözügedən cihaz kiçik fərqli funksiyalar
sayəsində yenilənirdi. İndi isə Apple bu qaydanı dəyişərək 3 illik fasilə
rejiminə keçir. Apple-ın 3 illik gözləmə rejiminə keçməsinin əsas səbəbi
smartfon bazarında satış tempinin aşağı düşməsidir. Bazarda külli miqdarda
smartfon seçiminin olmasından başqa artıq şirkət qısa zaman dövründə öz
smartfonunun yenilənməsində bir məna görmür. Məhz buna görə bu il iPhone 7-ni
gözləməyə ehtiyac yoxdur. Artıq verdiyimiz məlumata əsasən yeni cihaz 6s
modelindən sadəcə olaraq ikili arxa kamera, Smart Connector girişinin olması və
3.5 mm qulaqcıq girişinin olmaması ilə fərqlənəcək. Şaiyələrə əsasən isə şüşə
korpuslu, OLED ekranlı və Home düyməsinin olmayacağı yeni nəsil iPhone-u şirkət
gələn il təqdim edəcək. Bazardakı vəziyyət ondan xəbər verir ki, artıq alıcılar
hər il külli miqdarda vəsaiti iPhone-a xərcləmək istəmirlər. Belə ki, hər yeni
model əvvəlkilərdən sadəcə dizayn və bir neçə kiçik funksiyasına görə fərqlənir.
Bu səbəbə görə bu ilin sentyabr ayında baş tutacaq təqdimatda çox güman ki,
yeni model iPhone Pro adlanacaq. Şirkət artıq bu il qaydaları dəyişmişdi. Belə
ki, məhz bu il iPhone SE satışa çıxmışdır. Bu model iPhone-ların 5-ci nəslini
yeniləmək istəyənlər üçün nəzərdə tutulmuşdu. Onu da yadda saxlamaq lazımdır
ki, iPhone-nun gələn il 10 yaşı tamam olacaq. Çox güman ki, şirkət ən maraqlı
texniki yenilikləri məhz yubiley zamanı təqdim edəcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!