Instagram-ı kompüterdə Bluestacks olmadan istifadə etmək
Sosial Media
07.05.2017
Farid Pardashunas
Instagram istifadə edən bir çox insan Instagram-ın web
versiyasındakı funksiyaların azlığı səbəbindən öz kompüterlərinə Bluestacks adlanan android emulyatorunu yükləmək məcburiyyətində qalırlar. Bu isə öz növbəsində
həddindən artıq böyük güc tükədən Bluestacks-ın kompüterə yük salmasına,
kompüterin donmasına və s. kimi problemlərə gətirib çıxarırdı.
Technote.az olaraq bu məsələyə kiçik də olsa həll yolu
olaraq gördüyümüz bir Google Chrome plaqini ilə sizləri tanış etmək istəyirik. Əvvəlcədən xəbərdarlıq etmək istəyirik ki bu plaqin Instagram-ın rəsmi olaraq hazırladığı
plaqin deyil və bir müddət sonra istifadəsi dayandırıla bilər. Plaqin bir
agentlik tərəfindən hazırlanıb və Technote.az olaraq plaqinin hesabların şifrələrinin oğurlanması barədə təhlükəli ola biləcəyini və ya nə vaxtsa hücuma məruz qala biləcəyini vurğulamaqda fayda görürük. Lakin özümüzün də sınaqdan keçirdiyimiz bu plaqinin işlədiyini
və funksionallığının bizim üçün kifayət etdiyini bildirmək istəyirik. Əlavə etməliyik ki, plaqindən istifadə edərkən daxil etdiyiniz email və şifrə Instagram API-lərinə qoşulmaq üçün standart məlumatdır. Bu məlumatın plaqinin serverində saxlanılıb-saxlanılmaması isə maraqlı və qaranlıq detaldır.
Plaqində Instagramın mobil versiyasında mövcud olan mesajlaşma yəni Direct funksiyası mövcuddur. Instagram istifadəçilərinin çoxu web
versiyada olmayan bu xüsusiyyətdən əziyyət çəkdikləri üçün tətbiqi əlavə emulyatorlar
vasitəsilə yükləməli olurdular.
Lakin sözünü etdiyimiz plaqini yüklədikdən sonra Chrome-un sağ
yuxarı küncündəki Instagram iconuna klikləyərək direkt mesajlarını oxuya və
cavablandıra bilərlər. Eyni zamanda plaqinə daxil olaraq bildirişləri görə, gələn
izləyici təkliflərini qəbul və ya rədd edə, hekayələrə baxa və paylaşımları bəyənərək, şərh yaza bilərsiniz. Standart Instagram xüsusiyyətlərindən olan şəkil/video
paylaşım etmək hələki bu plaqində yoxdur. Yaxın zamanda bu funksiya da əlavə
edilsə bu plaqin Instagram istifadəçiləri üçün əvəzedilməz bir Bluestack alternativi
olacaq.
NextThing Apps tərəfindən hazırlanan bu plaqin,
Instagramın Web versiyasına əlavə kimi işləyir və bir neçə xüsusiyyəti də elə
web versiyanın özünə əlavə edir. Belə ki, bu plaqin istifadə edilən Chrome
brauzerində Instagram-ın Web versiyasında şəkilləri birbaşa kompüterə yükləmək mümkündür. Eyni zamanda web
versiyada hazırda mövcud
olmayan Hekayələr (Stories) bölməsi də meydana çıxır və başqalarının hekayələrinə
baxmaq mümkün olur.
Plaqini Google Chrome brauzerinizə buradan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ