OnePlus X-ə yenilənmə gəlib. Yeniliklər nədən ibarətdir?

Keçən ilin noyabr ayında OnePlus şirkəti bildirmişdi ki, OnePlus X üçün Android 6.0 Marshmallow əməliyyat sistemi üzərində yenilənmənin hazırlanması planlaşdırılır.

Bugündən etibarən smartfon yenilənmə almağa başlayıb. Technote.az-ın "Phonearena.com” saytına istinadən verdiyi xəbərə əsasən bu yenilənmə Androidin 6-cı versiyası deyil. Bunun əvəzinə smartfon özündə yeni funksiyalar və xətaların aradan qaldırılmış versiyası Oxygen 2.2.2 yenilənməsini əldə edib. Bundan əlavə olaraq şirkət bildirib ki, OnePlus X üçün Marshmallow yenilənməsi üzərində hələki işlər gedir. Oxygen 2.2.2 yenilənməsinin xüsusiyyətləri aşağıdakılardır.

- Yeni kamera tətbiqi (1.4 versiya)

- Kamerada 1 saniyə ərzində çəkilən kadrların sayı artırılıb

- İstifadəçinin üzünün skanı ilə smartfonun blokdan çıxarılma funksiyası əlavə olunub

- Swiftkey klaviaturası 6.3.3 versiyasına kimi yenilənib

- Operatorların adları yenilənib

- Təhlükəsizlik üzrə iyul yenilənməsi əlavə olunub

- SIM-kartın tanınması və operatorun seçilməsi üzrə problem aradan qaldırılıb

- Auto Rotate funksiyasının bug-ları aradan qaldırılıb

Daha əvvəl olduğu kimi yenilənmə 325 MB OTA paket şəklində təqdim olunur. Tezliklə bütün smartfonlara yenilənmənin əlavə olunması barəsində Push bildiriş gələcək.