Çoxlarının bilmədiyi 8 maraqlı Google xidməti
Elm & Texnologiya
07.05.2017
Farid Pardashunas
Bir gün ərzində ən çox daxil olunan sayt olan Google’ın bildiyimiz xidmətləri qədər, bilmədiyimiz bir çox xidməti var.
1998-ci ildə, Sergey M. Brin və Lawrence E. Page tərəfindən hazırlanan, internet həyatımızın ən vacib hissələrindən biri olan Google, bilinən xidmətləri ilə yanaşı bilinməyən, göz qabağında olmayan xidmətləri ilə də fəaliyyət göstərir. Bu xəbərimizdə Google’ın bilinməyən xidmətlərini sizlərə təqdim edirik.
1. Chrome Remote Desktop
Bu xidmət internet vasitəsilə təhlükəsiz formada digər kompüterlərə girişi və ya başqa istifadəçilərə sizin kompüterinizdəki məlumatlarla işləməyə imkan verir. Chrome Web Mağazası vasitəsilə Android əməliyyat sistemi olan cihazlarda da istifadə edilə bilən servis, eyni xidməti təqdim edən digər tətbiqlərin əksinə pulsuzdur.
2. Panoramio
Google’ın ilk Web 2.0 tətbiqlərindən biri olan Panoramio, şəkil paylaşmaq saytı kimi xidmət göstərir. Saytda paylaşılan şəkillərin eyni vaxtda Google Earth’də də yayımlanması istifadəçilərin bu xidməti seçməsinə şərait yaradır. Şəkilləri işarələmə ve çeşidləməyə imkan verən tətbiqdə 2 milyardan çox şəkil var. Saytda qeydiyyatdan keçən istifadəçilərə şəkil yükləmək üçün 2GB yaddaş həcmi verilir. İstifadəçi tərəfindən yüklənilən şəkillərin bütün hüquqları istifadəçiyə aid olur.
3. Google Sky Map
Adından da məlum olduğu kimi istifadəçilərin; ulduzları, planetləri, günəş sistemini izləməsinə imkan verən tətbiq, Google Earth programına uyğun işləyir. Demək olar ki, istifadəçilərin kosmosda gəzə bilməsinə imkan verən tətbiq, Android əməliyyat sisteminə uyğun xidmət göstərir.
4. Who’s Down
Google’ın onlayn söhbət tətbiqi olan "Who’s Down”, klassik məkan rejimini açmaqla yaxınlıqda olan istifadəçilərlə əlaqə yaratmağa imkan verir. Google Play Store’da pulsuz olaraq yayımlanan tətbiq yalnız Android əməliyyat sisteminə malik cihazlar üçündür.
5. Project Sunroof
Google mühəndisi Carl Elkin tərəfındən hazırlanan Project Sunroof tətbiqi planetin sahib olduğu günəş enerjisi potensialını istifadəçilərə təqdim edir. Tətbiq vasitəsilə dünya üzrə günəş enerjisi istifadə olunan yerləri görmək mümkündür.
6. One Today
Google'ın "İctimai məsuliyyət" adı altında xidmət göstərən layihəsi "One Today", köməyə möhtac insanların ehtiyaclarını qarşılama məqsədi daşıyır. Xeyir məqsədi güdməyən Google könüllüləri tərəfindən həyata keçirilən layihə , Google Play Store tərəfindən Android cihazlarına yükləmək üçün istifadəçilərə təqdim edilib. Tətbiqi yükləyən istifadəçilər, edilən köməklərin məzmunu, şəkilləri və.s bir çox mövzuda məlumat ala bilirlər.
7. Google Scholar
2004-cü ildən bu vaxta kimi Google tərəfindən istifadəçilərə təqdim edilən tətbiq, yalnız akademik məqalələr və mövzular haqqında axtarış etməyə imkan verən axtarış sistemi kimi fəaliyyət göstərir. İstifadəçilərin pulsuz istifadə edə bildiyi tətbiq, akademik səviyyədə məlumat almaq istəyənlər üçün ən önəmli yerlərdən biridir.
8. Build With Chrome
Google Australia ilə Lego-nun ortaq layihəsidir. Onun vəzifəsi Google Chrome veb-brauzerinin üçölçülü şəkilləri necə əks etdirməsini göstərməkdir. Həmçinin istifadəçilər onun köməkliyi ilə Lego-dan öz üçölçülü konstruksiyalarını yarada bilərlər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!