Oyunların piratlaşdırılması
Digər
07.05.2017
Farid Pardashunas
Oyun şirkətlərinin ən böyük problemi nədir? - deyə
soruşsanız bunun tək bir cavabı var. Piratlaşdırılma. Bəli . Torrent fayllarla
yüklənən pirat oyunlar. Hansı ki, şirkətlər bir oyunun hazırlanmasına
milyonlarla dollar sərmayə qoyur, oyun satışa çıxır və bir-iki gündən sonra həmin
oyun bir qrup hacker tərəfindən crack olunaraq, yəni sındırılaraq
piratlaşdırılır. Bununla da həmin şirkətin zəhməti hədər gedir və oyunun
hazırlanması üçün sərf olunan aylar və illər boşa çıxır. Həmin şirkətlər buna
görə həm psixoloji həm də maddi tərəfdən xeyli ziyana düşür. Oyunların
piratlaşdırılması əsasən PC platformasında baş verir. Oyun konsollarında
piratlaşdırma ilə nadir hallarda qarşılaşırıq. Ona görə ki, konsolların
"oyunu tanımaq" sistemi elə quraşdırılıb ki, oyunun pirat və yaxud
original olmağını dərhal təyin edir. Misal üçün siz əgər Xbox-a pirat oyun yükləmək
istəsəniz, konsol dərhal bloklanacaq. Konsolu da yenidən əvvəlki vəziyyətinə
qaytarmaq elə də asan iş deyil. Playstation-a pirat oyun yükləmək istəsəniz,
sizin PSN hesabınız bloklanacaq və konsolunuza virus düşəcək. Necə deyərlər qaş
düzəldən yerdə, vurub göz çıxardacaqsınız. Bəs original və pirat oyun arasında
hansı fərq var ? Niyə axı biz oyunları pulsuz yüklədiyimiz yerdə gedib original
oyuna 59 dollar verməliyik ? İndi bu sualların cavabını tapacaqsınız. Gəlin
pirat və original oyunların əlamətlərindən danışaq.
1) Pirat oyunların mənşəyi bilinmir. Pirat oyunlar əsasən
virus daşıyıcıları olurlar. Oyunlar crack edildikdən sonra hər hansısa torrent
saytına qoyulur. Həmin saytlara isə hər gün yüzlərcə DDos attack atılır və ya
virusla doldurulur. Biz isə həmin saytdan oyun yükləyərkən o virus bizim
kompüterimizə düşür. Həmin virus bizim kompüterimizə kifayət qədər ziyan verir
2) Pirat oyunlarda siz öz dostlarınızla serverlərdə oyun
oynaya bilmirsiniz
3) Original oyunlara hər dəfə yenilənmə gəldiyi halda pirat
oyunlarda bu baş vermir
4) Pirat oyunlarda hər dəfə bir sıra problemlər üzə çıxır. Səbəbi
odur ki, oyunlar piratlaşdırılarkən hackerlər çalışırlar ki, oyun kifayət qədər
az yer tutsun. Ona görə də oyunun içindəki bəzi fayllar silinir
5) Pirat oyunlarda multiplayer dəstəyi olmur
6) Pirat oyunlar kompüterə yükəndikdən sonra açılmır çünki bəzi
sistem proqramları yüklənmir.
Steam və ya digər rəqəmsal oyun satışı platformalarından
alınan bütün oyunlar original olur. Dünyada ən çox yayılan e-oyun satış
platforması Steam sayılır. Bir çox məşhur oyun şirkətləri yeni oyunlarını
Steam-də satışa qoyur. Və bununla da kifayət qədər pul qazanırlar. Steam-də hər
sezon endirimlər olur. Bəzən endirimlər o qədər böyük olur ki, o oyunu almadan
dayana bilmirik. Ya alırıq ya da "Steam Gift" formasında kiməsə hədiyyə
veririk. İndi isə gəlin Steam oyunlarının əlamətlərindən danışaq.
1) Buradakı oyunların hamısı original olur. Heç bir virus
olmur
2) Burada aldığınız oyunda öz dostlarınızla co-op serverlərdə
oynama imkanı qazanırsınız
3) Steam-də oyunlara bəzən pulsuz DLC-lər gəldikdə siz
bundan yararlanırsınız. Hər dəfə yenilənmə olduqda sizin bundan xəbəriniz olur
4)Steam-dəkı oyunların heç biri sıxılmır. Hamısı öz ölçülərində
olurlar
5) Steam oyunları multiplayer dəstəyinə sahib olurlar
6) Oyun kompüterinizə yüklənən kimi lazım olan bütün sistem
proqramları yüklənir. Əgər oyun açılmasa onda sizin kompüterin sistemi oyunun
sistem tələblərinə uyğun deyil.
Yəgin ki, pirat oyunlar ilə original oyunlar arasındakı
dünya qədər fərqi gördünüz. İndi isə özünüz fikirləşin. 10 AZN verib original və
təmiz oyun almaq yaxşıdır yoxsa pulsuz yükləyib kompüterə viruslarla əziyyət
vermək?
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək