PS4 Neo-nun varlığı təsdiq olundu
Elm & Texnologiya
07.05.2017
Farid Pardashunas
Financial Times saytı ilə müsahibəsi zamanı Sony Interactive
Entertainment şirkətinin prezidenti Andrew House bildirib ki, PS4 Neo
hal-hazırki modeldən baha qiymətə satılacaq. PS4 Neo ilk öncə hardcore
oyunçular və 4K televizor sahibləri üçün nəzərdə tutulub. Sony istifadəçilər
üçün yeni servisləri təqdim etməyə çalışır. Məsələn internet televiziya,
Spotify saytı ilə PS Music servisinin əməkdaşlığı və s. Bir çoxları ümid
edirdilər ki, Sony şirkəti PS4 Neo konsolunu
E3 2016 oyun sərgisində təqdim edəcək. Lakin House qeyd edib ki, Sony yeni
konsolu E3 2016-da göstərməyəcək. Bunun səbəbi isə ondadır ki, Sony konsolun
yeni versiyasının təqdim edəcəyi xidmətlər barəsində tam əmin olmaq istəyir.
Bundan əlavə olaraq əksər insanlar düşünürdülər ki, PS4 Neo-nun satışa çıxmağı
istifadəçiləri iki yerə ayıracaq. Standart PS4-ün istifadəçiləri isə bir müddətdən
sonra yaddan çıxacaqlar. House bu barədə növbəti fikrini bildirib: "Bütün
oyunlar standart PS4 sistemini dəstəkləyəcək. Biz əminik ki, həmin oyunlar və
ya onların böyük bir hissəsi yeni PS4-ü dəstəkləyəcək”. Qeyd edək ki, hər iki
versiya PlayStation VR tenologiyasını dəstəkləyir. Bəzilərinin fikrincə isə yeni
PS4-ün satışa çıxması oyun istehsalı ilə məşqul olan olan studiyalar üçün
problemlər yaradacaq. House-un sözlərinə əsasən ilk vaxtlarda studiyalar müəyyən
çətinliklər ilə qarşılaşacaqlar. Lakin həmin çətinlikləri arxada qoymaq mümkün
olacaq.
Linki kopyala
Həftənin xəbərləri
