Şaiyə: Left 4 Dead 3 və Half-Life 3 haqqında məlumatlar
Digər
Oyun və Film
07.05.2017
Farid Pardashunas
Özünü Valve şirkətinin keçmiş testçisi kimi qələmə verən Reddit portalının istifadəçisi şirkətin gələcək planları haqqında maraqlı məlumatlar paylaşıb. İlk öncə o qeyd edib ki, son 5-6 ay ərzində Valve piratçılığı 40-50% aşağı salacaq yeni antipirat sistemi üzərində çalışıb. Oyunlara gəldikdə isə Half-Life 3 hələki aktiv şəkildə hazırlanma mərhələsinə keçməyib. İstifadəçi bildirib ki, Valve test üçün proyektin heç bir demosunu təqdim etməsədə oyunun təqribi çıxış tarixlərini nəzərdən keçirdib. Mümkün çıxış tarixləri isə 2017-ci ilin 4-cü rübü və ya 2018-ci ilin əvvəlidir. Yaxın zamanda şirkətin yeni oyunu Left 4 Dead seriyasının yeni hissəsi olmalıdır. Lakin yeni hissənin yanında "3" rəqəmi olmayacaq. Məlumata görə oyunda hadisələr virusun yayılma günü və ondan bir ay sonrakı dövrdə cərəyan edəcək. Yeni oyunda 5 singleplayer rejim (Crashland, Impasse, Inquisitor Land, Early Destination Cliff-Hanger) təqdim olunacaq. Oyunu pre-order etmiş oyunçuları isə Left 4 Dead oyunundan olan "No Mercy" rejiminin remake-i bonus kimi təqdim olunacaq. Həmin rejimdə oyunçular birinci hissənin baş qəhrəmanları rolunda oynaya biləcəklər. Indi isə yeni hissədə zombiləri məhv edəcək qrupun üzvləri ilə tanış olun.
Irvin - afroamerikalı qanqster
Katherine - 24 yaşlı stüardessa
Keenan - qaradərili komiks pərəstişkarı
Garret Jr - kenpo döyüş sənətinə yiyələnmiş personaj
Qeyd edək ki, bütün bu məlumatlar rəsmi şəkildə təsdiq olunmadığı üçün yalnızca şaiyə kimi qəbul olunur.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək