Şaiyə: Red Dead Redemption 2-dən yeni məlumatlar

NeoGAF istifadəçilərindən biri adı hallanmayan mənbədən Red Dead Redemption 2 oyununun xəritəsinin şəklini əldə edib. Bir qədər keçdikdən sonra isə həmin şəkil pozulub. Daha sonra Techradar portalı bildirib ki, oyunun hazırlanmasına yaxın olan mənbəyə əsasən həmin şəkil doğurdan da Red Dead Redemption 2 oyununa aiddir. Xəritənin aşağı sol hissəsində Great Plains adlı ərazi var. Həmin ərazidə birinci oyunda olmuş Blackwater kəndi yerləşirdi. Belə qənaətə gəlmək olar ki, yeni oyunda hadisələr bizə tanış olan ərazilərdən şərqdə cərəyan edəcək. Great Plains ərazisində dəmir yollarının olmaması isə onu göstərir ki, hadisələr birinci oyundakı hadisələrdən daha əvvəl baş verəcək. Maraqlı faktlardan biri də odur ki, xəritənin aşağı sağ tərəfində New Bordeaux adlı ərazi qeyd olunmuşdur. New Bordeaux isə Mafia 3 oyununda hadisələrin cərəyan edəcəyi şəhərin adıdır. Hər iki oyunu bir şirkət birləşdirir (Take-Two Interactive).