Samsung Galaxy S8-i almamaq üçün 5 səbəb
Elm & Texnologiya
07.05.2017
Farid Pardashunas
Keçən həftə Nyu York-da "Samsung” şirkətinin Galaxy S8 və Galaxy S8 Plus smartfonlarını təqdim etdiyi tədbir keçirildi. Hal-hazırda şirkət, sözügedən cihazların ön sifarişlərini qəbul edir. Yeni Galaxy modelləri həqiqətən də maraqlı alınıblar. Lakin onların bir neçə mənfi özəllikləri var.
Partlayan batareyalar:
İnsanlar Galaxy Note 7 ilə baş vermiş partlama hadisələrini
fərqli şəkildə qarşıladılar. Onlardan bəziləri "Samsung” cihazlarından tamamilə
imtina etdilər, bəziləri isə şirkətə ikinci şansı verməyə razı oldular. Bununla
yanaşı əsas fakt ondan ibarətdir ki, "Samsung” yeganə böyük şirkətdir ki,
batareyalar ilə baş vermiş nasazlıq səbəbindən bütün smartfon partiyasını geri
çağırdı. Galaxy Note 7-də baş vermiş qızma və partlama şikayətlərindən sonra
şirkət tez bir zamanda bu hadisələrə reaksiya bildirərək düzgün addımlar atdı və
alıcılardan dəfələrlər üzr istədi. Həmçinin onlar qeyd etmişdilər ki, bundan
sonra öz cihazlarında batareyaları daha diqqətli şəkildə yoxlanışdan keçirəcəklər.
"Samsung”a inanıb-inanmamaq isə hər bir istifadəçinin öz seçimidir.
Fotolarda peyda olan barmaq izləri:
Fiziki "Home”düyməsindən imtina etmək, yeni Galaxy smartfonlarının çərçivəsiz
olmalarına imkan yaratdı. Lakin bu cür qərarın bir böyük mənfi cəhəti var. Belə
ki, barmaq izi skanı arxa kameranın yanında yerləşir. Bəlkədə "LG” şirkətinin
son smartfon istifadəçiləri bir neçə dəfə foto çəkməmişdən öncə kameranı təmizləməli
olublar. "Samsung” şirkəti isə "LG”dən fərqli olaraq barmaq izi skanını ayrı
bir özəllik kimi etdi və ona smartfonu yandırıb/söndürmə funksiyasını əlavə etmədi.
Lakin buna baxmayaraq barmaq izi skanının yerinin düzgün olub-olmaması barədə
uzun müddət müzakirə aparmaq olar. Ən məqsədəuyğun qərar, barmaq izi skanını,
kameradan bir qədər aralıda yerləşdirmək olardı.
İncə korpus:
Galaxy S8-in dizayn baxımından ən eleqant smartfonlarından biri olduğuna şübhə etmək olmaz. İndi isə bu smartfonun yerə düşən zaman düşdüyü vəziyyəti görən istifadəçinin emosional halını fikirləşin. Əgər yadınızdadırsa iPhone 4-ün asanlıqla sınması barədə nə qədər şikayətlər olurdu. O zaman "Apple” bu problemin həllini alüminium korpuslarda gördü. Galaxy S8-in korpusunun təhlükəsizliyini yalnız qoruyucu şüşə təmin edə bilər. Lakin belə bir qoruyucu şüşəni tapmaq bir qədər çətindir. Bu halda iki variantdan birini seçmək qalır. Ya isitifadəçi öz smartfonu üçün ayrıca keys almalıdır, yada ki, ondan çox diqqətli şəkildə istifadə etməlidir.
TouchWiz özəlliyi daha da təkmilləşdirilib. Lakin ideal
Android-ə hələ çox var:
"Samsung” həmişə
öz smartfonlarına maraqlı proqram özəllikləri əlavə edirdi. Galaxy S8 və Galaxy
S8 Plus istisna deyillər. Bu il maraqlı özəlliklər arasında Bixby adlı səsli
köməkçi və bir neçə maraqlı proqram funksiyalarıdır. Maraqlısı ondadır ki, yeni
smartfonların təqdim olunduğu Galaxy Unpacked tədbirində ümumiyyətlə TouchWiz sözündən
istifadə olunmadı. Bu termini ilk dəfə eşidənlər üçün demək olar ki, bu, Android-in ara üzüdür. Yəni bir növ sistem təminatının dizaynı rolunu oynayır.
Hər bir şirkətin bu cür özəlliyinin öz adı var. Məsələn "HTC” şirkətində bu özəllik Sense adlanır. "Samsung” şirkəti isə TouchWiz-i, Android-in üzərinə yerləşdirir.
Təbii ki, Galaxy S8-də TouchWiz yaxşı şəkildə
təkmilləşdirilib. Lakin Pixel modeli smartfonlardakı kimi təmiz Android-i gözləmək
lazım deyil.
iPhone 8-in gəlişi:
iPhone 7, yüksək texniki göstəricilərə və təhlükəsiz proqram
platformasına sahib smartfondur. Bu ilin Sentyabr ayında isə çox gözlənilən iPhone 8 təqdim olunacaq. "Apple” şirkətindən əlavə digər istehsalçıların
smartfonlarını da seçmək olar. Misal olaraq LG G6-nı göstərmək olar. "HTC” öz Ultra modeli ilə uğur qazanmasa da, qabaqdan HTC 11 gəlir. Çin şirkətləri isə daha
ucuz qiymətə yaxşı texniki göstəricilərə sahib smartfonlar təqdim edirlər. Bir
söznən Galaxy S8 yeganə seçiləcək smartfon deyil.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək