main-post-cover

    "Samsung" yeni Galaxy S8 Edge telefonu ilə müştərilərini sevindirməyə hazırlaşır

    Elm & Texnologiya
    07.05.2017
    Farid Pardashunas

    "Samsung” öz müştərilərinə Note 7-ni unutdurmaq üçün Galaxy S8 Edge üzərində ciddi işlər görür.

    Samsung son zamanlar yaşadığı bədbəxt hadisələrdən sonra istifadəçilərini Galaxy S8Galaxy S8 Edge telefonları ilə sevindirmək istəyir. Note 7-dən fərqli olaraq Edge modelinin daha böyük ekrana və batareyaya sahib olması gözlənilir. Belə görünür ki, şirkət Note 7 ilə bağlı yaşadığı problemləri Galaxy S8 seriyası ilə unutdurmaqda qərarlıdır.
    Kluma-da ortaya çıxan detallarda telefon haqda ilkin fikirlər öz əksini tapır. Detallara fikir versək telefonun 5.5 inç böyüklükdə Super AMOLED ekranının 4K, yəni 3840 x 2160 pikselə sahib olacağını demək mümkündür. Bundan əlavə cihaz Snapdragon 830Exynos 8895 çipsetləri ilə təchiz olunacaq. Cihazın RAM dəyərinin 6 GB və ya 8 GB olması gözlənilir. "Samsung" yeni cihazını 2017-ci ilin mart ayında təqdim edəcək.

    Note 7 ilə bağlı problem hələ də tam həllini tapmadığı üçün Galaxy S8 seriyasının Mobil Dünya Konqresində təqdim olunması gözlənilir. Ekran ölçüsü böyük olacaq Galaxy S8 Edge, proqram təminatı olaraq Note 7-nin yeni interfeysinə və digər yeniliklərə sahib olacaq.
    Ümid edirik ki, "Samsung”un yeni təqdim edəcəyi telefonlar daha yüksək funksionallığı özündə birləşdirəcək.
    Linki kopyala