Selfi ilə bağlı ölümlər ən çox harda baş verir nə qədər insan həyatını itirir? (STATİSTİKA)
Elm & Texnologiya
07.05.2017
Farid Pardashunas
Beynəlxalq alimlər qrupu belə bir nəticəyə gəliblər ki, selfi çəkən zaman baş vermiş ölüm hadisələrin böyük hissəsi Hindistanda baş verir.
Bu cür ölümlərin əsas səbəbi isə
yüksəklikdən yıxılmadır. Sosial şəbəkələrin və müasir smartfonlarda olan ön
kameraların inkişafı sayəsində günümüzdə insanların demək olar ki, hamısı selfi
tərzli fotolar çəkdirirlər. Lakin çox zaman effektli selfi foto çəkmək üçün bir çoxları yüksək yerlərə çıxaraq özlərini təhlükəyə atırlar. Karnegi-Mellon Universiteti və Hindistanın tədqiqat təşkilatlarının alimləri selfi çəkən zaman ölüm baş
vermiş hadisələr haqqında xəbərləri yayan saytları analiz ediblər. Bu halda
selfi çəkən zaman baş vermiş ölümlər və həmin anda ölümdən qaçmaq ehtimalı olan
hadisələrin əks olunduğu xəbərlər analiz olunub. Xəbərlərin doğruluğunun yüksək
olması səbəbi ilə analiz prosesinə yalnız "Alexa” analitik şirkətin reytinqinə
daxil olan dünyanın 5000 nüfuzlu saytı daxil olub.
Nəticələr onu göstərib ki, bu cür
halda baş vernmiş ilk ölüm xəbəri 2014-cü ilin Mart ayında yayımlanıb. Həmin
vaxtdan selfi çəkən zaman 127 ölüm hadisəsi baş verib. Onlardan 76-ı isə Hindistanda qeydə alınmışdır. Siyahıdakı sonrakı yerlərdə Pakistan (9 ölüm
hadisəsi), ABŞ (8 ölüm hadisəsi) və Rusiya (6 ölüm hadisəsi) qərarlaşıb. Selfi
çəkən zaman daha çox (75.5% halında) 24 yaşa kimi olan qadın və kişilər həyatlarını
itiriblər. Bu cür hallardan 16-da həyatlarını itirmiş insanların sayı iki nəfər
qalanlarında isə 7 nəfər olub. Selfi zamanı daha çox ölüm səbəbi yüksəklikdən
düşmə olub. Səbəb siyahısında daha sonra suda batma, yüksəklikdən düşərək suda
batma, qatar altına düşmə, silahla diqqətsiz davranma, yol qəzaları və
heyvanların hücumları kimi hallar durur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ