Reklam
"Sell me this pen" yanaşması nədir?

"Sell me this pen" yanaşması nədir?

Digər
08.05.2017 PAYLAŞIM
TECHNOTE @technote TECHNOTE logo icon

Hey sən. Bəli SƏN.

Salam. Çox gərgin işləyən və uğura ac birinə oxşayırsan. Hər nə iş edirsənsə et, bütün vizyon sahibi insanların daşıdığı sadə bir vasitəyə ehtiyacın var: Diyircəkli Qələm


Amma hər hansı bir qələm deyil, bu qələm : möhtəşəm dizaynlı, əlinə və cibinə uyğun, qısa qeydlər almaq üçün də, uzun əl yazıların üçün də mükəməl bir qələm.

Adi əllərdə, bu qələmin içindəki şey bəlkə də sadəcə mürəkkəbdir. Amma sənin əlində, fikirlərini hətta bəlkə də "bir sonrakı milyardlıq layihəni” qeyd etmək üçün möhtəşəm bir vasitəyə çevriləcək.

"Amma mənə klaviatura ilə yazmaq daha rahatdır.” Təbii ki, kompüterlər çox yaxşıdır. Amma bir anda ortaya çıxan, tayı-bərabəri olmayan fikirləri unutmamaq və qeyd etmək üçün hər zaman sənin yanında olmaya bilər. Elə deyil?

"Smartfonun həmişə yanımdadır.” Əlbəttə, amma sənin başını gün boyunca qarışdırıb-duran o telefona güvənirsən? Bir qələm və bir qeyd dəftəri səni daima fikirlərinlə baş-başa buraxar və rahat bir yazma təcrübəsi yaşayarsan. Görəcəksən!

"Bəs bu karandaş necə? İstədiyim vaxt pozan ilə silə bilərəm yazıları.” Dostum, karandaşlar səhv etməkdən qorxanlar üçündür. Bu qələmi isə etdiklərini daima ölçən, ağıllı insanlar istifadə edirlər. Hə, nə deyirsən? Satın alacaqsan?

Sizcə qələmi sata bildi mi?

Düşünmürəm. Çünki bu, "soyuq marketinq” üsulunu istifadə etməyə çalışaraq edilən və qarşılaşdığım ən "pis satıcılıq” nümunələrindən bir idi.

Leonardo DiKaprio-nun möhtəşəm ifası ilə "The Wolf of Wall Street” filmində canlandırdığı Cordan Belfort obrazı tərəfindən məşhurlaşdırılan "sell me this pen” yanaşmasını yəqin ki bilirsiniz.


"Sell me this pen” əslində inandırma və satış sənətinə çox yaxşı nümunədir və tamamilə soyuq bir müştəri namizədinə necə satış edilə biləcəyini əyləncəli bir şəkildə göstərir:

Müştərinin ehtiyaclarını və onları gecələri yatmağa qoymayan problemlərini öyrənmək üçün suallar vermək, etirazları təxmin etmək, ortaya çıxarmaq və onların öhdəsindən gəlmək, məhsulun dəyərini göstərə bilmək və xüsusiyyətlərini düzgün açıqlamaq, nəticədə söhbəti özünüz haqqında deyil müştəri ətrafında davam etdirmək bu yanaşmanın əsas şərtləridir.

Bəziləriniz "Sell me this pen” yanaşmasını, artıq gündəmdən kənar və ya günümüzlə əlaqəsi qalmamış bir nümunə olaraq görə bilər. Amma aşağıdakı videonu bir dəfə daha izləsəniz, bir salon dolusu "professionalın” belə bu mövzuda uğursuz ola biləcəyini görəcəksiniz.

Niyə bir çox insan "qələmi satmaqda” uğursuz olur?

Məsələ bundadır ki, insanlar mənfəətçidirlər!

Yaxşı, icazənizlə daha yumşaq ifadə edim. İnsanlar (müştərilərimiz) özləri ilə maraqlanırlar. Yəni öz mənfəətlərinə, öz faydalarına, öz maraq duyduqları şeylərə üstünlük verərlər. Biz də onlarla maraqlanmalı və onların sevdikləri şeylər haqqında danışmaq üçün əlimizdən gələni etməliyik.

Və Cordan Belfort-a görə (filmdəki obraz deyil, həqiqi Wall Street canavarı) "sell me this pen” yarışının düzgün cavabı bu sualda gizlidir: Ən başdan, birbaşa məhsul barədə mi danışırsınız, yoxsa əvvəlcə kimə satış etdiyinizi anlamağa mı çalışırsınız?

Məhsulumuz kimə xitab edir?

Məhsulumuzu kimin üçün yaratdığımızı - ya da qələmimizi kimə satdığımızı- bilməmək, "sell me this pen” yarışındakı ən çətinlik çəkdiyimiz məqamdır.

"Əgər məhsul satış strategiyanız hərkəsə xitab etməyə çalışırsa, heç kimə xitab etmir!”

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Azercell jurnalistləri Milli Mətbuatın 145-illiyi münasibətilə təbrik edir!..

Məlumatın, xəbərin son dərəcə əhəmiyyətli olduğu ən həssas zamanlarda məhz şücaətli jurnalistlər öz ..


ABŞ-da Google şirkəti məhkəməyə verildi: Səbəb nədir?

ABŞ-da Google şirkəti Android əməliyyat sistemi səbəbilə məhkəməyə verildi.


Alimlər tarixdə ilk dəfə yeni planetin yaranma prosesini müşahidə ediblər (VİDEO..

Hal hazırda olan aktual elmi nöqteyi nəzərdən kainatın yaranması Böyük Partlayış ilə başlayıb. Lakin..


Əsrin sonuna gözlənilən iqlim dəyişikliyi artıq bütün qitələrdə başlayıb..

Güman olunurdu ki, tropik və subtropik regionlarda təyin olunacaq isti və nəm iqlim şəraiti planetin..


Astronomlar Yer kürəsinə ən yaxın olan qara dəliyi aşkar ediblər

Avropa cənub rəsədxanasının (ESO) astronomlarının rəhbərliyi altında olan tədqiqat qrupu kosmik miqy..


'Pandemiya hal hazırki dünya iqtisadiyyatına son qoyacaq və onu tanınmaz hala sa..

İqtisadi böhranlar baş verən zaman onların nəticələri bir neçə ildən sonra heç gözlənilməz istiqamət..

×