"Sony" şirkəti, MWC 2017-də 4 ədəd yeni Xperia modelini təqdim etdi
Elm & Texnologiya
07.05.2017
Farid Pardashunas
"Sony” şirkəti hal-hazırda keçirilən MWC 2017 sərgisində 4 ədəd yeni Xperia modelini təqdim edib.
Onlar Xperia XZ Premium, XZs, XA1 və XA1 Ultra smartfonlarıdır. Əgər yadınızdadırsa "Qualcomm” şirkəti, Galaxy S8-dən öncə öz Snapdragon 835 prosessorunu heç bir digər smartfon istehsalçısına verməyəcəkdi.
Lakin görünür şirkət öz sözündən dönüb. Belə ki, Xperia XZ Premium məhz
Snapdragon 835 prosessorunu özündə birləşdirir. Beləliklə Xperia XZ Premium,
Snapdragon 835 prosssoruna sahib dünyanın ilk smartfonudur. Smartfon tamamilə
şüşə ilə örtülmüş vəziyyətdədr. Şirkət bunu Glass Loop Surface adlandırır.
Smartfonun barmaq izi skanı özəlliyi, yandırıb/söndürmə düyməsinə inteqrasiya
edilib. Həmçinin Xperia XZ Premium yüksək keyfiyyətli arxa kameraya da
sahibdir. Belə ki, o, saniyədə 960 kadrla birlikdə slow-mo videoların çəkilməsini
təmin edir.
Triluminos adlı ekran, Xperia Z5-dən fərqli olaraq 40% daha
çox rəng parlaqlığını təmin edir. Bundan əlavə olaraq smartfon həmdə HDR texnologiyasını da dəstəkləyir. Korpus isə IP68 standartına uyğun olaraq sudan
və tozdan qorunur. Texniki göstəricilərinə gəldikdə isə o, 5.5 inç 4K və HDR
keyfiyyətli Truliminos ekran, Snapdragon 835 prosessoru, 4 GB RAM, 64 GB daxili
yaddaş, 3230 mAh enerji tutumlu batareya (Quick Charge 3.0 sürətli enerji yığma
texnologiyası ilə), 20 MP-lik arxa və 13 MP-lik ön kamera ilə təchiz olunub.
Xperia XZ Premium, Android 7.0 əməliyyat sistemi ilə çalışır. Smartfon yaz fəslinin
sonunda satışa çıxacaq. Onun qiyməti isə hələki məlum deyil.
Motion Eye kamera özəlliyinə sahib Xperia XZs, 5.2 inç 2K
keyfiyyətli ekran, Snapdragon 820 prosessoru, 4 GB RAM, 32/64 GB daxili yaddaş,
2900 mAh enerji tutumlu batareya 4K video çəkiliş özəllikli 19 MP-lik arxa
kamera və 13 MP-lik ön kamera ilə təchiz olunub. Smartfon, Android 7.0 Nougat əməliyyat
sistemi vasitəsilə çalışır. Xperia XZs, 5 Aprel tarixində 700$ qiymətində
satışa çıxacaq.
Öz qeyri-adi selfie kamerası ilə seçilən Xperia XA1 Ultra, ənənəvi
Ultra seriyasını davam etdirir. Ön kameranın öz işıqlandırma sisteminə sahib
olması, pis işıqlandırılmış mühitdə fotoların keyfiyyətli alınmasına şərait
yaradır. Beləliklə Xperia XA1 Ultra, 6 inç Full HD ekran (2.5D qoruyucu şüşəli),
8 nüvəli MediaTek Helio P20prosessoru, 4 GB RAM, 32 GB daxili yaddaş, 2700 mAh
enerji tutumlu batareya (Pump Express+ 20 sürətli enerji yığma texnologiyası ilə
birlikdə), 23 MP-lik arxa və 16 MP-lik ön kamera ilə təchiz olunub. Xperia XA1
Ultra, yaz fəslində satışa çıxacaq. Onun qiyməti isə hələki məlum deyil.
Sərgidə təqdim olunmuş smartfonlardan ən yığcamı olan Xperia
XA1, 5 inç HD ekran, MediaTek Helio P20 prosessoru, 3 GB RAM, 32 GB daxili
yaddaş, 2300 mAh enerji tutumlu batareya, 23 MP-lik arxa və 8 MP-lik ön kamera
ilə təchiz olunub. Bu smartfon da digərləri kimi Android 7.0 əməliyyat sistemi
vasitəsilə çalışır. Xperia XA1-in təqribi çıxış tarixi, yaz fəslidir. Onun da
qiyməti hələki bilinmir.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək