Sosial şəbəkələr və brend strategiyası. 6 vacib xüsusiyyət
Digər
07.05.2017
Farid Pardashunas
Günümüzdə sosial şəbəkələrdə
inkişaf daha qəliz və unikal olur. Belə ki, bu şirkət kanalları ilə işləyənlərin
sayı getdikcə artır. Uğurlu marketoloqlar üçün sosial şəbəkələr müasir təşkilatların
irəliləyiş gücüdür. Lakin bəzi rəhbərlər hələdə sosial sahələrə şübhə ilə
yanaşırlar. Hətta dünyanın ən məşhur şirkəti "Apple” belə yalnız son zamanlarda SMM-ə diqqət ayırmağa başlayıb. Lakin digər böyük şirkətlər bu sahəni 2006-2007-ci
illərdən mənimsəməyə başlayıblar. Düzü o zamanlar sosial şəbəkələr marketinq
strategiyasına olan bir əlavə idi. Lakin indiki dövrdə hər şey dəyişilib. Bu məqaləmizdə
2016-cı ildə brend strategiyasına təsir etmiş 6 sosial şəbəkə xüsusiyyətlərinə
nəzər salacağıq.
Pullu reklam
Sosial medianın 90%-i targeting vasitəsilə brend məlumatların pullu yayılması üçün əla sahədir. Bundan əlavə
olaraq sosial şəbəkələr hansısa brendin, öz müraciətlərinin müxtəlif formatlarda
(video, mətn, foto) test etməsi üçün əlverişli şəraitdir. Bu baxımdan sosial şəbəkələr
televiziya üzərindən reklamlardan çox üstündür.
Marketinq təsiri
Son bir neçə il ərzində marketinq təsirinin
gücü getdikcə artmaqda davam edir. Bunun əsas səbəbi isə sosial şəbəkələrin
inkişafı ilə bağlıdır. Yalnız bu sahələr auditoriya ilə şəxsi əlaqə yaratmağa və
ümumi maraqlarla birləşmiş insanlara təsir etməyə imkan verir. Bu üsul
milyonlarla istifadəçi kütləsinə eyni tərz ismarıcların göndərilməsindən daha
effektivdir.
Test sahəsi
Sosial şəbəkələr müxtəlif təcrübələrin
aparılması üçün əsl laboratoriyaya bənzəyir. Ən məşhur brendlər auditoriya
arasında nəyin maraq oyadacağını nəyinsə maraq dairəsinə daxil olmayacağını müəyyənləşdirmək
üçün müxtəlif ideyaları sosial şəbəkələrdə test edirlər. Instagram təkcə foto
paylaşmaq üçün servis deyil, həmdə müasir dövrün ən yaxşı və kreativ
laboratoriyası hesab olunur. Snapchat isə təkcə aktual ünsiyyət üçün bir sahə
deyil, həmdə hərəkət edən fotolarla təcrübələrin aparıldığı bir yerdir. Əgər
siz sosial şəbəkələrdə test etməkdən imtina edirsinizsə onda real istifadəçilərin
fikirlərini əldə etməkdən özünüzü məhrum edirsiniz.
Şaquli fotolar və live-videolar
Son trendlərin böyük bir hissəsi
sosial şəbəkələrdə istifadəçi təcrübəsini artırmaq cəhdidir. Əgər siz ilk növbədə sosial şəbəkələrə və mobil
platformalara yönəlmiş məhsul istehsal etmədən innovativ qərarlar yaratmağa cəhd
edirsinizsə onda siz böyük istifadəçi kütləsinin marağını cəlb etməkdən və
onlardan ola biləcək aktual fikirlərdən özünüzü məhrum etmiş olursunuz.
Sosial dinləmələr
"Coca-Cola” və "Pepsi” kimi böyük
brendlər sosial şəbəkələrdə öz barələrindəki fikirlərə səbəbsiz yerə diqqət
yetirmirlər. Onlar, insanların həmin brendləri hansı sözlərlə təsvir etdiklərini
analiz edirlər. Məsələn "Coca-Cola” fikir verdi ki, insanlar çox zaman brendin
adını pizza ilə yanaşı çox istifadə edirlər. Məhz buna görə şirkət pizza satılan
bir çox restoran və kafelərlə marketinq müqavilələri bağlamağa başladı. Sosial
dinləmələrdən yüksək miqdarda faydalı məlumat əldə etmək olar. Lakin bir çox
şirkətlər hələdə bundan istifadə etmirlər.
Müştərilərlə qarşılıqlı münasibət
idarəsi
Müştərilərlə qarşılıqlı münasibət
idarəsi və müştərilərin dəstəklənməsi günü-gündən sosial şəbəkələrlə sıx bağlı
olur. Bununla yanaşı təkcə müştərilərin operativ dəstəklənməsi ilə yanaşı
onların müraciətlərinin analizi də sizin binesinizi və brend mövqeyinizi möhkəmləndirəcək. Belə
ki, sizin narazı müştəriləriniz özünü təkmilləşdirmək üçün yaxşı mənbədir.
Sosial şəbəkələr son vaxtlarda
brendin inkişafında ən mühüm rolu oynamağa başladı. Məhz buna görə bu istiqamətə
lazımi diqqəti ayıraraq ondan istifadə edib şəxsi strategiyanı möhkəmləndirmək
lazımdır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)