Spider-Man haqqında çəkiləcək yeni filmin adı bəlli olub

Baş rolu Tom Holland-ın canlandıracağı yeni Spider-Man filminin adı və logosu bəlli olub. Sony ilə Marvel-in birgə səyləri nəticəsində çəkiləcək film "Spider-Man: Homecoming” adlanacaq. Filmin bu cür ad daşıması əslində 1984-cü ildə işıq üzü görmüş The Amazing Spider-Man komiksinin 252-ci sayına aiddir. Film barəsində hələki heç bir məlumat yoxdur. Lakin bilinir ki, rejissor qismində John Watts çıxış edəcək. Bəzi şaiyələrə əsasən yeni filmdə İron Man də olacaq. Daily Bugle qəzetinin baş redaktoru olan John Jonah Jameson Jr. Obrazı üçün isə əsas namizəd kimi Hugh Laurie-dir. Əsas mənfi obrazlardan birinin Vulture olacağı düşünülür. Təbii ki, bunlar hələki şaiyədir. Las-Veqasda keçirilmiş CinemaCon tədbiri çərçivəsində Sony Pictures şirkətinin sədri Tom Rothman yeni çəkiləcək film haqqında bu cür fikir bildirib. "Peter Parker çətin münaqişələrlə mübarizə aparmalı olacaq. Dünyanı xilas etməklə yanaşı ev tapşırıqlarını yerinə yetirməyə çalışmaq” – deyə Tom Rothman bildirib. Spider-Man obrazının yenilənmiş versiyasını isə ilk olaraq "Captain America: Civil War” filmində görmək olacaq.