"Startup Turkey"də 3 yerli startapımız investorlar önünə çıxdı (FOTOLAR)

"Startup Turkey"də 3 yerli startapımız investorlar önünə çıxdı (FOTOLAR)

Digər
08.05.2017 PAYLAŞIM
TECHNOTE @technote TECHNOTE logo icon

Regionun maraqla gözlənilən startap tədbiri "Startup Turkey" bugün öz işinə başlayaraq seçilmiş startap, investor və investisiya fondlarını bir araya gətirdi. Hər il Antalyada təşkil olunan bu tədbirdə dünyanın müxtəlif ölkələrindən startaplar, investorlar və startap ekosisteminin tanınmış simaları iştirak edir. Bu il baş tutan tədbirdə isə ölkəmizi 6 startap təmsil edir. 50 startap arasından seçilmiş 3 layihə (Kvotter, Expander, Spinal) az əvvəl baş tutan təqdimat panelində öz məhsullarını 2 dəqiqə müddətində iştirakçılara təqdim etdilər.
Panelin birinci sessiyasında "Expander" investorlar önünə çıxdı.
 
 
Yerli startap "Expander" artırılmış reallıq əsasında formalaşdırılmış tətbiqdir. Bizneslər üçün artırılmış reallıq əsaslı həllər təklif edən platformanın qurucusu Fərid Yusifovdur. "iOS" və "Android" ƏS-ləri üçün tətbiq mağazalarda (Play Store, App Store) mövcud olan "Expander"dən istifadəçilər pulsuz yararlana bilərlər. Şirkətlər üçün təklif etdikləri platforma vasitəsilə hər bir şirkət öz çap materiallarını daha interaktiv hala gətirir. İstifadəçilər isə tətbiqi işə salaraq həmin materialları "scan" edib, material üzərində olan əlavələrlə (video, auido, şəkil, 3D obyekt və s) tanış olurlar.


Birinci sessiyanın digər yerli iştirakçısı son zamanlar yerli bazarda adından söz etdirən "Spinal" startapıdır. Son olaraq Hollandiyada akselerasiya dövrü keçən startapımız bu dəfə yeni ad ilə məhsulunu "Startup Turkey"də təqdim etdi. "Lia" brendi adı altında məhsulun təqdimatını Fidan Rüstəmova həyata keçirdi.
 
 
"Lia" mikrokontroller və 2 sensordan ibarət olan, çiyində oturan cihazdır. Sensor çiyinlərin vəziyyətini müəyyən edərək qamətin düzgünlüyünü yoxlayır. Əgər qamət öncədən proqram təminatı ilə müəyyən olunmuş normadan kənara çıxarsa, istifadəçi bu haqda xəbərdar olur. Xəbərdarlığın hansı vasitə ilə çatdırılmasını müştəri özü seçə bilir: bu, titrəmə (telefonda, yaxud cihazın özündə) və ya səsli siqnal ilə (həmçinin iki seçimdə birlikdə mümkündür) ola bilər. Smartfon vasitəsi ilə siz öz nəticələrinizi izləyə bilərsiz. Hər bir xəbərdarlıq hesabat üçün smartfonun yaddaşında saxlanılır və sizə uyğun qrafik yığılır. Verilmiş funksiya ümumlikdə digər tətbiqlər kimi istifadəçi üçün maksimal dərəcədə rahat hazırlanmışdır.
 
 
Əlavə olaraq qeyd edək ki, Mart ayında "Spinal Tech", "İndiegogo" "crowdfunding” platformasında öz kampaniyalarını başladacaqlar.
 

Panelin 2-ci sessiyasında isə ölkəmizi Amerikada və digər regional tədbirlərdə təmsil etmiş, hamımızın sevimlisi "Kvotter" səhnədə yerini aldı. Öz təqdimatları ilə yerli bazarda adından söz etdirən 2 kitab müəllifi Coşqun Kərimov bu dəfə də 2 dəqiqəlik təqdimata 20 dəqiqəlik məlumatları sığışdıra bildi.


Zala olduqca pozitiv və yumoristik təqdimat edən "Kvotter", iştirakçıların alqışını almağı bacardı. "Kvotter" haqqında ətraflı məlumatı bu məqaləmizdən oxuya bilərsiniz.

Son olaraq qeyd edək ki, seçilmiş 50 startap arasında olan 3 yerli layihəmiz investorlar tərəfindən seçildikləri halda son 15 seçilmişlər siyahısında yer alacaqlar. Bu da o deməkdir ki, əgər startaplarımız ilk 15-liyə daxil olsalar, sabah  axşam baş tutacaq yarış panelinda investisiya almaq uğrunda investorlar önündə yarışacaqlar. Biz də öz növbəmizdə "Technote Media" olaraq Antalyadan ən son xəbərləri çatdıracağıq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Azercell jurnalistləri Milli Mətbuatın 145-illiyi münasibətilə təbrik edir!..

Məlumatın, xəbərin son dərəcə əhəmiyyətli olduğu ən həssas zamanlarda məhz şücaətli jurnalistlər öz ..


ABŞ-da Google şirkəti məhkəməyə verildi: Səbəb nədir?

ABŞ-da Google şirkəti Android əməliyyat sistemi səbəbilə məhkəməyə verildi.


Alimlər tarixdə ilk dəfə yeni planetin yaranma prosesini müşahidə ediblər (VİDEO..

Hal hazırda olan aktual elmi nöqteyi nəzərdən kainatın yaranması Böyük Partlayış ilə başlayıb. Lakin..


Əsrin sonuna gözlənilən iqlim dəyişikliyi artıq bütün qitələrdə başlayıb..

Güman olunurdu ki, tropik və subtropik regionlarda təyin olunacaq isti və nəm iqlim şəraiti planetin..


Astronomlar Yer kürəsinə ən yaxın olan qara dəliyi aşkar ediblər

Avropa cənub rəsədxanasının (ESO) astronomlarının rəhbərliyi altında olan tədqiqat qrupu kosmik miqy..


'Pandemiya hal hazırki dünya iqtisadiyyatına son qoyacaq və onu tanınmaz hala sa..

İqtisadi böhranlar baş verən zaman onların nəticələri bir neçə ildən sonra heç gözlənilməz istiqamət..

×