Steve Jobsun tətbiq etdiyi prinsip "Nike"ın şirkət kimi inkişafına böyük təkan verib
Elm & Texnologiya
07.05.2017
Farid Pardashunas
Bütün seçimləri tətbiq etmək heç də həmişə fayda vermir. Bəlkə də bu prinsip Apple-ın bir şirkət olaraq bu qədər böyüməsində böyük rol oynayıb
Mark Parker 2006-cı ildə "Nike”ın CEO-su
seçildikdə ilk etdiyi iş "Apple”ın CEO-su Steve Jobs ilə məsləhətləşmək olub.
Nike minlərcə məhsulu daha irəli səviyyəyə daşımaq üçün digital strategiyalar
üzərində dayanmışdı. Steve Jobs isə Parkerə qısa, amma çox anlamlı məsləhət verdi:
"Nike" məhsullarının bəziləri dünyanın ən yaxşıları olub, arzu olunanlar siyahısında
yer alır. Buna baxmayaraq, bir çox gərəksiz məhsullar da istehsal edirsiniz. Gərəksiz
məhsulları bir tərəfə qoyun və ən yaxşıları önə çıxarmağa çalışın. Bundan
sonra "Nike”, "Apple” məhsullarına inteqrasiya edən texnologiyalara yönəldi.
Bunun nəticəsində ortaya çıxan Nike +, Nike firmasının ən müvəffəqiyyətli
kampaniyası olmağı bacardı. Bu məsləhəti öz iş həyatında da öndə tutan Jobs,
1997-ci ildə qovulduğu şirkətə geri döndükdə məhsulların 70%-nin istehsalını
saxladı və bununla da firmanın zərərini 1.04 milyard dollardan 309 milyon dollar
endirə bildi.
Jobs çox yaxşı bilirdi ki, çoxlu seçim diqqət
dağınıqlığı yaradır və bu isə öz növbəsində pul, zaman və enerji itgisi demək
idi.
Niyə bir məhsul ortaya çıxarmaq bu qədər çətinlik
yaradır?
Steve Jobsun rəhbərliyinin ilk üç ilində "Apple" sadəcə bir məhsul çıxarmaq üzərində dayandı. İlk məhsuldan sonra şirkət
daha da böyüdü.
Prinsip etibarilə Steve həqiqətən haqlı
idi. Keyfiyyətli məhsul ortaya qoymaq nadir görünə bilər. Ancaq nadir şeylər dəyərlidir.
Bir məhsulun istehsalına adaptasiya olmaq şirkətin qaynaqlarını da qoruyur. Hər
şeydə ən yaxşı olmaq çoxlu rəqabət mühiti yaradır ki, bunun üçün də bol enerji,
pul və zaman tələb olunur.
Bir məhsul ortaya çıxaracaqsınızsa onda
özünüz üçün "yox” siyahısı qurun. Bu siyahıda etməyi planlaşdırmadığınız işləri
qeyd edin.Buna misal olaraq yeni məhsul istehsalı, yeni məhsul üçün qurulacaq ortaqlıqlar,
yeni xüsusi layihələr, tədbirlər, pullu reklamlar və s. daxildir. Bunları etmək
yaxşıdır, amma vacib olan şeyi ikinci planda saxlayıb sadalananları önə
çıxarmaq məhsulunuzun uğursuz gələcəyinə zəmin yaradır.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!