Stiv Cobs-un əşyaları hərraca çıxarıldı. Hərracda hansı əşyalar satılacaq?
Elm & Texnologiya
07.05.2017
Farid Pardashunas
"Apple” şirkətinin təsisçisi Stiv Cobs-un (Steve Jobs) vaxtı ikən işlətdiyi bəzi əşyalar Hollivudda keçiriləcək hərracda satılacaq.
Bu hərrac son zamanlarda keçirilmiş bu tipli hərraclar
arasında ən böyüyüdür. "Julien’s Actions” hərrac təşkilatı Stiv Cobs-un bəzi
nadir əşyalarını satışa çıxardıb. Onların arasında ən bahalısı Cobs-un 80-ci
illərdə (IBM ilə rəqabətin olduğu illər) geyindiyi dəri gödəkcə olub. Məhz həmin
gödəkcə ilə Stiv Cobs IBM loqosuna orta barmağını göstərən zaman şəkil çəkdirmişdir.
Foto 30 il bundan əvvəl – "IBM” "Apple”ın ən böyük rəqibi olduğu vaxtda çəkilib.
Dəri gödəkcənin hərrac qiyməti 12.000$ təşkil edib.
Hərracda həmçinin digər əlverişli əşyalar var. Məsələn hərrac təşkilatı Cobs-un, üzərində NEXT yazısı olan qara sviterini 3000$-a dəyərləndirib. Həmin
sviter Cobs-un "NeXT” şirkətinin CEO-su, "Apple” və "Pixar”ın isə direktorlar
şurasının sədri olduğu dövrə təsadüf edir. Sviterin arxa tərəfində "1980s: Personal Computing/ 1990s: Interpersonal Computing” yazısı
var. Vaxtı ikən Cobs dizayner İssey Miyaki-dən (Issey Miyake) onun üçün bu cür
sviter kolleksiyasını yaratmağı xahiş etmişdi. Dizayner isə onun üçün yüzlərlə
sviterdən ibarət kolleksiya hazırlamışdı.
Digər bir əşya isə Cobs-un geyindiyi Levi’s markalı göy cins
şalvardır. Vaxtı ikən Cobs həmin şalvarı Levi’s mağazalarından birindən
almışdır. O andan etibarən "Levi’s” brendi bir xeyli məşhurlaşdı. Bu əşyanın hərracdakı
ilkin qiyməti isə 1.200$ təşkil edir.
Həmçinin hərracda Cobs-un CD playeri (400$), xələti və
elektron üzqırxan cihazı (600$) yer alıb. Hərrac 23 Sentyabr tarixinə kimi davam
edəcək. İstənilən şəxs hərracda iştirak edə bilər. Bu isə o deməkdir ki, hərracda
təqdim olunmuş əşyaların qiyməti hələ artacaq. Bəzi istifadəçilər hərrac təşkilatına öz mənfi fikirlərini bildiriblər. Onlar əsasən bildiriblər ki, bu üsul ilə hərrac təşkilatı Cobs-un ölümü sayəsində pul qazanmağa çalışır. "Julien’s Auctions” hərrac təşkilatı nümayəndələrinin sözlərinə görə isə onlar bu üsul ilə əfsanəvi sahibkara
olan hörmətlərini əks etdirirlər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)