Super Mario oyunu haqda bilinməyən maraqlı faktlar
Digər
07.05.2017
Farid Pardashunas
Hər birimizin sevimli qəhrəmanları Mario və Luigi haqda nə qədər məlumatınız var? Bir çoxlarının sevə-sevə oynadığı bu oyun çox maraqlı tarixcəyə malikdir
İlk əvvəl Super Mario oyununun baş qəhrəmanı Mario haqda danışaq. "Nintendo"nun məhşur Mariosunun paltarının qırmızı rəngdə olmasının səbəbi
qırmızı rəngin aydın seçilməsi və arxa planın rəng çalarları ilə uyğunluq təşkil
etməsiylə əlaqəlidir. Marionun papaqlı olaraq seçilmə səbəbi isə rəssamın öz işini
asanlaşdırması üçün etməsiylə əlaqəli olub. Çünki xarakterik personaj çox hərəkətli
biri olduğu üçün hər dəfə yeni bir saç düzümü tətbiq etmək yerinə papaq çəkmək
daha asan olub.
Oyunda Mario platformaları keçərkən tullanırdı.
Bunu nəzərə alan oyun qurucuları oyun adını ilk əvvəl jumpman qoyub. Bundan əlavə oyunun əsas personajı Marionun ilkin
adını mr.video deyə adlandırıblar.
Ancaq həmin vaxtlar firmanın ABŞ-dakı ofisinin çox tələbkar sahibi varmış. Adam
hər dəfə kiranı ödəmələri üçün canlarından bezdirirmiş. Sonralar onu yola gətirən
oyun qurucuları personaja Mario adını veriblər. Adamın tam adı Mario Segale olub. Amma "Nintendo" heç vaxt Marionun tam adını açıqlamamış, sadəcə soyadının
da Mario olmadığını bildiriblər. Necə deyərlər hər şərdə bir xeyir var, yəni bəlkə
oyunun adı sadəcə mr.video olsaydı bu qədər yadda qalıb, sevilməzdi.
Marionun yaradıcısı Joust adlı oyundan ilhamlanaraq "baş xarakterin ikincisi olsaydı yaxşı olar” deyə fikirləşib və
ikinci bir personaj yaradıb. Bu xarakterin adı Luigidir. Luigi, Marionun kiçik qardaşıdır. Luigi, Mario ilə eynilik
təşkil etsə də ondan bir qədər uzun və arıqdır.
Nintendo, personajların adlandırılmasında
müxtəlif şərtlər qoyub. Təbii ki, bu şərtlərdən əsas olanı şirkətin prestijini
artırmaq üçün düzgün ad seçimi edilməsi olub. Marionun qardaşının adı Nintendonun
mərkəzi binasının yanında "mario & luigi's” adlı pizza yerindən ilham
alınaraq adlandırılıb.
Bundan əlavə nəzərinizə çatdıraq ki, Luigi, ruiji sözü ilə oxşarlıq təşkil edir.
Yaponcadan ruiji sözünün mənası "oxşar” deməkdir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)