Suya düşən və batmaqda olan bir avtomobildən necə xilas ola bilərsiniz?
07.05.2017
Farid Pardashunas
Avtomobil qəzaları, xüsusilə ölkəmizdə ciddi bir problemdir. Bir tərəfdən dənizlə əhatə olunmuş ölkəmiz, kifayət qədər zəngin çay və göl hövzələri ilə məşhurdur. Qəza halında avtomobilin suya düşmə ehtimalına qarşı sizləri məlumatlandırmaqda fayda görürük.
Deyək ki, qəzaya düşən bir avtomobildəsiniz və avtomobil
sürətlə suda batır. Bu avtomobildən necə çıxa bilərsiniz?
Birinci addım: Avtomobil suya düşən kimi təhlükəsizlik kəmərinizi açın və avtomobil şüşəsini aşağı salın.
İkinci addım: Avtomobil su ilə dolmazdan qabaq, mümkün olduğu qədər sürətli bir formada avtomobili boşaldın.
Unutmayın! Bunu etmək üçün sadəcə bir dəqiqəniz var. Bu
addımları tamamlamağınız, asanlıqla xilas olmaq üçün çox vacibdir. Bu səbəbdən
qapını açaraq vaxt itirməyin.
Mütəxəssislərin dediyinə görə, avtomobilinizin elektron sistemi,
avtomobil şüşəsi tamamilə suya batdıqdan təxminən on dəqiqə sonra istifadəyə
yararsız olur. Yəni, pəncərəni açmaq üçün zamanınız boldur.
Avtomobilin şüşəsi açılmırsa, qırın.
Qətiyyən ön şüşə ilə vaxt itirməyin. Ön şüşə, digər şüşələrə
görə çox daha güclü və təhlükəsizdir. Bu səbəbdən qırması da çətindir.
Şüşə qırmaq üçün internetdən uyğun qiymətə alətlər ala
bilərsiniz. Əgər ala bilməsəniz, iti uclu və ağır əşyalar istifadə edin. Bu çəkic,
açar, hündürdaban ayaqqabı ola bilər. Ən pis ehtimalla dirsəyinizi istifadə edə
bilərsiniz. Hədəf alarkən şüşənin künclərini hədəf alın. Oralar daha asan
qırılacaq.
Avtomobildə uşaq varsa əvvəla uşağı avtomobildən çıxarın.
Uşaqlarla səyahət edirsinizsə, mütəxəsisslər aşağıdakı sıranı
izləməli olduğunuzu bildirir.
Təhlükəsizlik kəmərinizi açın və pəncərəni aşağı salın.
İlk olaraq böyük uşağınızın kəmərini açın və pəncərədən
çıxardın.
Daha sonra kiçik uşağınızın kəmərini açın və pəncərədən çıxardın.
Statistikalar, bu sıralamada həyatda qalma nisbətini yüksək
görürlər.
Pəncərədən çıxa bilmirsinizsə, avtomobilin içinə su dolmasını gözləyin. Su dolduqdan sonra qapını açın və çıxın.
Mübahisəli bir üsul olsa da, mütəxəssislər belə bir vəziyyətdə,
təzyiq fərqinə görə ən yaxşı həll üsulunun bu olduğunu bildirirlər.
Avtomobilin içindəki su dolarkən qapı qolunu tutun. Kifayət
qədər su dolduqda dərin nəfəs alın, qapını açın və çıxın. Lazım olsa qapını
açmaq üçün təpik də ata bilərsiniz.
Sudan çıxmaq üçün su qabarcıqlarını izləyin.
Avtomobil
suya düşdüyü üçün suyun içi bulanıq olacaq. İstiqamətinizi tapmaya bilərsiniz.
Bu səbəbdən, su qabarcıqlarını izləyin. Sizə hansı istiqamətdən çıxmalı
olduğunuzu göstərəcəkdir.
Bu faydalı məlumatları sevdiklərinizlə paylaşmağı da yaddan çıxarmayın. Başınıza heç
vaxt belə bir hadisə gəlməməsi diləyi ilə..
Linki kopyala
Həftənin xəbərləri
Süni zəkanın köməyilə yaradılmış dərman insanlar üzərində test edilir
TikTok-un ABŞ-da qadağan edilməsinə hədəflənmiş qanun rəsmi səviyyədə dəstəklənib